Gero eta jende gehiagok nahi du bere sasoi fisikoa hobetzea eta, horretarako, ezinbestekoa da bizimodu osasungarria izatea, elikadura on batekin eta jarduera fisiko erregularra eginda. Urtarrileko kurba beldurgarria saihesteko zein muskuluen tonua hobetzeko, eguneroko ariketa-errutina bat izatea erabakitzen dutenek sasoi onean egotea lortu nahi dute.

Bizimodu aktiboagoa hasteko modu on bat izan daiteke eguneroko errutina txikiak ariketa bihurtzea. Helburuak lortzeko, funtsezkoa da pertseberantzia, baina behin hasten zarenean, gehiago nahi izango duzu. Eta ez ongizate fisikoagatik bakarrik, baita kirola osasun mentalerako ere oso eraginkorra delako ere.

Emaitzak optimizatzeko, helburu bat ezartzea gomendatzen dute espezialistek, ariketak lehenesteko eta errutinak txandakatzeko: kardioa, indarra, malgutasuna eta oreka (yoga edo pilates), etab. Hona hemen etxean egiteko beste errutina azkar eta egingarri bat, gehienez 30 minutu kenduko dizkizuna:

1. ariketa: flexioak, plantxak eta bizepsen curl delakoa; 20 errepikapeneko 3 serie.
2. ariketa: Oinkadak eta sentadillak; 15 errepikapeneko 4 serie.
3. ariketa: Jumping jack (jauzi egitea, besoak eta zangoak aldi berean irekiz eta itxiz) eta burpees (plantxa posiziotik jauzira igarotzea); 20 errepikapeneko 3 serie.
4. ariketa: fitness boxing eta geldiko korrika; 5 minutu.

Ariketa horietan, goi-atala zein behe-atala entrenatuko dituzu, gorputz osoa trebatuz eta emaitza orekatu bat lortuz. Funtsezkoa da saio bakoitza hasi baino lehen berotzea, eta entrenamendua amaitu ondoren luzatze-ariketak egitea.

Errutina bakoitzari eskaini behar zaion denborari eta intentsitateari dagokionez, norberaren esperientziaren eta lortu nahi den helburuaren araberakoa izango da.

Eta zuk, zein errutina jarraitzen duzu sasoi onean egoteko?