Edozein egun den arren egokia pasta-plater on batez gozatzeko, urriaren 25ean, helburua da dieta mediterraneoaren oinarrietako bat den elikagai honi balioa ematea; jaki moldakorra da, elikagarri eta osasungarria... betiere, gomendatutako errazioak errespetatzen baditugu.

Funtsezkoa da haur eta gazteentzat

Gehienok ezagutzen ditugu pastaren propietateak. Nabarmenena: pasta gorputzerako erregai indartsua da, batez ere haurrentzat eta kirolarientzat. Karbohidrato kopuru handia ematen digu (70 gramo inguru 100 gramo pasta bakoitzeko). Hala, modu progresiboan ematen digu energia, eta luzaroago sentituko gara aseta.

Proteinak ere baditu (12 gramo proteina 100 gramo bakoitzeko), adimen-errendimendurako garrantzitsuak, eta zuntza, digestiorako onuragarria. Bere bertsio integralean, asetasun handiagoa emango digu, eta errazio bakoitzeko sei gramo zuntz.

Pastak ez gaitu gizentzen, gehiegikeriak bai

Mito garrantzitsuenetako bat da pasta gizendu egiten gaituela uste izatea. Egiatan, kantitateak eta pastarekin batera jaten ditugun saltsek dute eragina horretan.

Aukera itzazu saltsa arinak, hala nola tomate naturala albaka freskoarekin; etxean olio gutxiagorekin egindako pestoa; barazkiak baratxuriz eta oliba-olioz salteatuta, edo jogurt greziar bat belarrekin. Aitzitik, esnegain edo gazta gehiegi duten saltsa oso krematsuak saihestea komeni da, baita hestebete koipetsuegiak eta frijitutako jakiak ere.

Bestalde, barazkiekin eta proteina gihartsuarekin konbinatutako errazio bat guztiz bat dator elikadura orekatu batekin. Baina, zein da kantitate egokia? Elikagai gehienekin gertatzen den bezala, adinaren araberakoa da hori. Har ezazu kontuan gida hau:

• 3 urtetik 6 urtera: 50 g.
• 6 urtetik 10 urtera: 60 g.
• 10 urtetik 18 urtera: 70-80 g.
• Helduak: 80 gramo inguru

Modu errazean bistaratzeko, Harvard-en platerak gomendatzen du pastak plateraren % 25 soilik hartzea, gainerakoa barazkietarako eta proteina osasungarrietarako utzita.

Guztiontzako errezetak

Hona hemen pasta zure dietan modu osasungarrian txertatzeko zenbait errezeta erraz eta goxo:

• Pasta freskoa kuiarekin eta perretxikoekin
• Pasta entsalada cherry tomateekin, albaka eta oreganoarekin.
• Farfalle entsalada fruitu lehorrekin eta udarearekin
• Hegaluze-pokea pastaz, tipula-kimuz eta barrengorriz
• Tagliatelleak haragi-bola eta albakarekin
• Pasta, kuiatxoz eta parmesanoz egindako saltsa krematsuarekin

BM Supermerkatuetan, pasta freskoa, lehorra, integrala eta glutenik gabea aurkituko duzu, familia guztiarentzako egokia. Kontatuko al diguzu  Facebook, Twitter,  Instagram edo TikTok-en, nola prestatzen duzun pasta?

 

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.