Sukalde mediterraneo on batean, ezin da inoiz arrain on bat falta. Eta hortxe sartzen dira jokoan arrain moldakor, osasungarri eta zaporetsuenetako bi: atuna eta hegaluzea.

Kontserban edo freskoak, itsasoko altxor urdin horiek aho guztietara egokitzen dira eta edozein plateren kalitatea areagotzen dute: atun sandwich klasiko bat, bestelako ukitu batekin zein poke moderno bat edo estilodun sarrerako azkar bat. Gainera, dieta orekatu baterako aliatu bikainak dira. Jakin nahi al duzu zergatik?

Atuna eta hegaluzea, antzekoak, baina ezberdinak…

Askotan nahastu egiten ditugun arren edo sinonimo gisa erabiltzen ditugun arren, atuna eta hegaluzea ez dira berdin-berdinak. Biak dira tunidoen familiakoak, baina ezaugarri ezberdinak dituzte:

• Atuna: Atun freskoa, izoztua edo kontserban –atun zuria batez ere (Thunnus albacares) aurki dezakegu. Haragi ilunagoa du, eta zapore biziagoa. Atun gorria (Thunnus thynnus) oso preziatua da, ‘itsasoko txuleta’ ere deitzen zaio.
• Hegaluzea: Atun barietate bat da (Thunnus alalunga), oso baloratua testura suabea eta zapore delikatuagoa duelako. Duen haragi zuria ideala da kalitate handiko kontserbak egiteko.

…eta biak dira aukera paregabea

Ikusten duzun bezala, atunak zein hegaluzeak berezko ezaugarriak dituzte, baina biek dute nutrizio-profil zoragarria. Zalantzarik gabe, zaindu behar den itsasoko altxorra dira, arrazoi ugarigatik:

• Balio biologiko handiko proteinaz beteta daude, funtsezkoak direnak muskuluak oneratzeko eta ehunak mantentzeko.
• Omega-3 gantz osasungarri kopuru handia dute; Omega-3 gantz-azido esentzialak dira, osasun kardiobaskularra hobetzen laguntzen dutenak.
• Bitaminak eta mineralak dituzte:B taldeko bitaminak (B3, B6 eta B12), D bitamina, fosforoa, selenioa eta potasioa, besteak beste.

Ba al zenekien kontserbako 100 gramo atunek egun bakoitzerako gomendatutako B12 bitaminaren ia % 100 ematen digula?

Zentzuz erostea

Erosketak egiterakoan, erreparatu etiketei: bilatu arrantza jasangarriko eta jatorri kontrolatuko produktuak. BM Supermerkatuetan arrain biak formatu ezberdinetan aurki ditzakezu, zure errezetetan erabiltzeko.

Gainera, atun eta hegaluze sasoi bete-betean gaude. Apiriletik aurrera goza dezakegu itsasoko jaki gozo horiez. Atun gorriaren sasoia, esaterako, apiriletik ekainera artekoa da, eta hegaluzea, berriz, uda osoan zehar arrantzatzen da Kantauri itsasoan, ekaina eta urria bitartean. Zalantzarik gabe, arrain ezin egokiagoak dira udaren atarian ahobizarra kentzeko… Zeuk aukera bietako zein nahiago duzun!