Osagaiak (Lau lagunentzako)

Moldeko azalik gabeko ogia, 8 xafla

2 lata atun

Letxuga erdi, txikituta

Tomate bat

Koilarakada bat maionesa

2 arrautza egosi

Koilarakada bat arto

Nola prestatu

Moldeko ogia zanpatu egingo dugu arrabol batekin, ahalik eta finen gelditzen den arte.

Azpil batean, barrubetea prestatuko dugu, osagai guztiak –ondo txikituta– nahastuz. Maionesa eta artoa gehituko dizkiogu.

Ogi-xafla zanpatua plateraren oinarrian jarriko dugu. Gainean barrubetea, eta beste ogi-xafla batekin estaliko dugu.

Sandwicharen ertzak itxi egingo ditugu sardexka batekin, enpanadilla bat bailitzan.

Sandwicha diagonalean moztuko dugu itxi ondoren, eta bi triangelu geldituko zaizkigu.

• LEHENAK
• PLATER BAKARRAK
• ORDUZ KANPO
• ARRAINAK ETA ITSASKIAK
• ZAILTASUNA: TXIKIA
• DENBORA: 0-30'
• HAURRAK