frutek hartzen dute protagonismo handiena udan; basafruituak, ordea, zarata handirik egin gabe iristen dira: txikiak eta biziak dira, eta superjaki ospea eman dien nutrizio profila dute. Eta, topiko bat dirudien arren, merezimendu handiz irabazi dute ospe hori.

Zergatik dira hain bereziak fruitu gorriak?

Antioxidatzaileekin lotu ohi dira fruitu gorriak, batez ere polifenol eta antozianina kopuru handia dutelako; substantzia horiek dira tonu gorri, more eta urdinxkak ematen dizkieten pigmentuak.

Ikerketen arabera, fruitu gorrien eta flabonoideen ohiko kontsumoa onuragarria izan daitekeela osasun kardiobaskularrerako eta kognitiborako, betiere elikadura osasungarri baten barruan, eta miraririk espero gabe.

Antioxidatzaileak baino askoz gehiago

Antozianinez harago, fruitu hauek zuntza, ura eta bitaminak ematen dizkigute, kaloria gutxirekin. Ahabiek, mugurdiek eta masustek nutrizio-datu espezifikoak dituzte, elikadurari dagokionez duten interesagatik.

Fruitu horietako bakoitzak bere nortasuna du: ahabiak suabeak dira, eta jogurtari botatzeko aproposak; mugurdiek ukitu garratz bat dute, oso freskagarria; eta masustek zapore biziagoa dute, gaztekin, oloarekin edo txokolate beltzarekin konbinatzeko perfektua dena.

Egunero jateko bikainak

Ez dago gauzak zaildu beharrik. Katilu batean jar ditzakezu jogurt naturalarekin eta oloarekin, smoothie bat presta dezakezu bananarekin eta esnearekin edo landare-edariren batekin, , entsalada batean nahas ditzakezu gaztanberarekin, edo topping modura erabil ditzakezu etxean egindako gazta-tarta batean (Eta uztailaren 30ean Gazta-tartaren Mundu Eguna denez... aitzakia paregabea izan daiteke fruitu gorriekin egindako bertsio bat probatzeko!

Eta beti eskura izan nahi badituzu, fruitu gorri izoztuak aukera bikaina dira sasoitik kanpo irabiakiak, konpotak edo saltsa azkarrak zein postreak prestatu ahal izateko.

Nola kontserbatu fruituak udan

Fruitu delikatuak dira, eta azkar lizundu ohi dira. Onena da kontsumitzeko unera arte ez garbitzea, hozkailuan pilatu gabe gordetzea, eta egunero begiratzea, hondatzen hasten direnak kendu eta botatzeko. Horrela luzaroago iraungo dute, eta ez dira horrenbeste hondatuko.

Nola dituzu gustukoen basafruituak: jogurtarekin, entsaladan edo tarta baten gainean? Konta iezaguzu Facebooken, X-en, Instagramen edo TikTok-en.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.