Udaberriaren etorrerarekin, sasoiko produktuen artean protagonista bihurtzen dira gure sukaldeetan. Gozoak, samurrak eta moldakorrak dira, beraien sasoirik onenean daudenean, ia esku-hartzerik ere behar ez duten osagai horietakoak.

Baina, zergatik dira horren bereziak orain? Eta nola aprobetxa ditzakegu benetan gure eguneroko elikaduran?

Udaberriko ilarrak: baratzetik datorren jaki gozoa

Ilar freskoa gauza jakin bategatik nabarmentzen da: berez duen zapore gozoagatik. Hori gertatzen da bildu orduko bere azukreak almidoi bihurtzen hasten direlako. Zenbat eta denbora gehiago igaro, gozotasun gutxiago eta irin-testura handiagoa izango dute.

Horregatik, aldea dago dagokien sasoian jan edo beste urte-sasoi batean jan. Eta ez zaporeari dagokionez soilik, baizik eta baita testurari dagokionez ere: samurragoak, urtsuagoak eta ahorako atseginagoak egoten dira.

Ilarrak badu ez-ohiko zerbait: botanikari dagokionez, lekalea da, baina ilar freskoak barazki gisa kontsumitzen dira. Dualtasun horri esker da horren interesgarria: arina da, baina asegarria, eta landare-jatorriko proteina du, era horretako jakietan batere ohikoa ez dena

Freskoak vs. izoztuak vs. latan kontserbatuak: zein da benetako aldea?

Ilarrak ez ditugu beti freskoan kontsumitzen, eta komeni da ulertzea zer eskaintzen digun formatu bakoitzak:

• Freskoak: zapore handia, testura trinkoa eta balio gastronomiko handiagoa. Idealak udaberrian.
• Izoztuak: bildu eta berehala prozesatzen dira, beraz, ondo mantentzen dituzte mantenugaiak.Praktikoak dira, eta aukera orekatua sasoiz kanpo kontsumitzeko.
• Kontserban: erosoagoa da kontsumitzeko, baina testura bigunagoa eta zapore leunagoa dute. Gatz kantitate handiagoa izan dezakete.

Nola aletu ilarrak erotu gabe (eta nola aprobetxatu lekak)

Ilarrak aletzea erraza da, teknika ezagutzen baduzu... Baina, lehenik eta behin, aukeratu leka trinko, berde eta orbanik gabeak: freskotasuna adierazten du horrek. Orain bai:

1. Apurtu lekaren mutur bat.
2. Egin tira alboko haritik.
3. Ireki eta atera ilarrak hatzekin.

• Kontuz! Lekek ez dute zertan zaborretan bukatu... Saldak aberasteko balio dute, kremak prestatzerakoan birrindu eta iragazteko... Eta oso samurrak baldin badira, baita salteatu eta zuzenean snack modura jateko ere.

Ez dira hornigaia bakarrik: Ilar freskoak kozinatzeko hiru modu

1. Entsalada fresko batean: egosi pixka bat eta hoztu azkar, kolorea eta testura mantentzeko. Oso ondo datorkie ozpin-olio suabeei.
2. Kremetan edo hummus begetaletan: birrinduta, oliba-olioarekin, limoiarekin edo espezieekin. Emaitza: errezeta arin, asegarri eta landare-proteinatan aberatsa.
3. Salteatuta, plater nagusi modura: barazkiekin, arrautzarekin eta urdaiazpikoarekin. Plater horietan, ilarra ez da plateren lagungarria, plater nagusia baizik.

Ilarrek erakusten digute ondo jatea erraza izan daitekeela. Sasoiko produktua aukeratzen duzunean, produktuak berarekin dakar zaporea. BM Supermerkatuetan, ilar freskoak, barazkiak eta ilarrak prestatzeko behar duzun guztia aurkituko duzu, sasoi bakoitzeko onena aprobetxatuz.

Nola nahiago dituzu ilarrak? Modu naturalean, salteatuta... edo animatzen al zara sormena erabili eta beste errezeta batzuk prestatzen? Konta iezaguzu Facebook, X,  Instagram edo TikTok-en.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.