Udan nekatuta jaikitzen zara, ondo lo eginda ere? Beroak edozer gauza egiteko gogoa kentzen dizula sentitzen duzu? Errutinak aldatzeak eta deshidratazioak nekea gure egunerokotasunean ezartzea eragin dezakete.

Zorionez, elikagai batzuek geure burua hobeto ikusten ez ezik, bizitasuna berreskuratzen ere lagun diezagukete.

Zergatik nekatzen gaitu udak?

Beroa erronka bat da gure gorputzerako. Udan, areagotu egiten da ur-galera –izerdiaren bitartez–, eta gorputza “energia gehiago erretzera” behartuta dago, barne-tenperatura erregulatzeko. Deshidratazioak nekea, zorabioak eta buruko mina eragin ditzake.

Gainera, lanaldi luzeek gure atseden-erritmoak nahastu ditzakete, akidurarako koktel perfektua sortuz. Baina ur eta mantenugai ugari eta elikagai arinak kontsumitzea funtsezkoa da udako nekearen aurka borrokatzeko.

Zure pilak kargatzeko jakiak

1. Fruta urtsuak: hidratazioa eta bitaminak

Angurria, meloia, laranja, anana eta marrubiak, esaterako, freskagarriak eta arinak dira, eta hidratazioari eusten laguntzen dute. Gainera, C bitaminak nekea eta akidura murrizten laguntzen du.

2. Fruitu lehorrak (neurrian)

Arbendolek, intxaurrek eta kuia-haziek magnesioa, burdina eta omega-3 gantz azidoak eskaintzen dizkigute, funtzio neuromuskularrerako eta zerebralerako funtsezkoak direnak. Egunean eskukadatxo bat nahikoa da aldea nabaritzeko.

3. Zereal integralak: energia iraunkorra

Ogi, arroz edo pasta integralak pixkanaka askatzen dute energia, dituzten karbohidrato konplexuei esker. Finduek ez bezala, nekatuago uzten gaituzten azukre igoerak eta jaitsierak saihesten dituzte.

4. Sasoiko barazkiak

Kuiatxoak, luzokerrak, tomateak eta letxugak ura eta B taldeko bitaminak dituzte, energia sortzeko funtsezkoak. BM Supermerkatuetan barazki freskoak eta hurbilekoak aurkituko dituzu, zapore eta mantenugai guztiak bermatuz.

5. Arrautzak eta lekaleak

Arrautzek aminoazido esentzialak eta kolina dute, funtzio kognitiborako onuragarriak. Lekaleek burdin begetala dute, anemia eta etengabeko ahuldade-sentsazio hori prebenitzeko ideala.

Energia mantentzeko aholku estrak

• Jan arin eta sarri: Lauzpabost otordu txikik aktibo eusten diote zure metabolismoari, digestioa gainkargatu gabe.
• Ez utzi otordurik: Zure gorputza “aurrezpen energetiko moduan” sartzen da baraurik denbora gehiegi igarotzen baduzu.
• Edan egarri izan baino lehen: Egarria sentitzen duzunean, dagoeneko deshidratatzen ari zara.

Beste batzuetan aipatu dugun bezala, elikadura gure aliatua da, eta BM Supermerkatuetan menu bizi-biziak prestatzeko behar duzun guztia aurkituko duzu. Kontatuko al diguzu zein diren nekearen aurkako zure jakiak?

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.