BM Supermerkatuetako frutategian, gero eta protagonismo handiagoa hartzen ari den altxor txiki bat dago: kiwia. Eta iraila bitxikeriaz betetako fruta hau bere bertsio guztietan deskubritzeko une bikaina da. Betiko kiwi berdearen eta hori koloreko kiwi gozoaren arteko aldeak azalduko dizkizugu, gustukoena aukera dezazun.

Kiwi berdea: garratz ukitua duen betiko barietatea

Garratz ukitudun frutak gustuko dituzten horietakoa al zara? Hala bada, konkistatu egingo zaitu kiwiak. Barietate hau berde kolore biziko mamia edukitzeagatik eta C bitamina kopuru handieneko frutetako bat izateagatik nabarmentzen da (laranjak baino ere C bitamina kopuru handiagoa du). Gainera, zuntz kopuru handia du; horrenbestez, heste-igarotzea hobetzeko aliatu perfektua da.

Datu bitxi bat: Jende askok Zeelanda Berriarekin lotzen duen arren, Txinan du jatorria kiwiak.

Kiwi horia: bertsio gozo eta suabea

Zapore gozoagoak eta ez hain garratzak nahiago badituzu, kiwi horiak konkistatuko zaitu. Azal finagoa eta leunagoa du, eta urre-koloreko mami urtsua, gozo-zaleenentzako perfektua. Baina goxoa izateaz gain, zure larruazala eta ikusmena zaintzen duten karotenoideen eta antioxidatzaile naturalen iturri bikaina ere bada.

Orduan, zein da osasungarriena? Biak dira aukera bikainak! Kiwi berdea zein horia dira kaloria kopuru txikiko eta ur kopuru handiko frutak, zure burua modu naturalean hidratatzeko perfektuak. Gainera, bitamina (C, E, K), potasio eta azido foliko iturri naturala dira; are, esan dezakegu frutarik osoenetako baten aurrean gaudela.

Nola aukeratu eta kontserbatu

• Jateko moduan dago? Zanpatu poliki zurtoinaren inguruan. Pixka bat biguna baldin badago, bere puntuan dagoen seinale. Gogorra baldin badago, utzi egun bat edo bi giro-tenperaturan.
• Non gorde? Eta kontserbatzeko: berdea hobeto mantentzen da hozkailutik kanpo; horia berriz, delikatuagoa denez, hozkailuan gordetzea komeni da, freskotasuna mantentzeko.

Kiwiaren erabilerak sukaldean: gozoa, gazia, smoothieak...

Kiwia benetan moldakorra da: fruta honetaz goza dezakezu entsalada gozo zein gazietan, gazta freskoarekin edo fruitu lehorrekin; fruta-broxetetan edo smoothietan. Gehitu zure jogurt- edo olo-katiluetan edo erabili postre orijinalak prestatzeko, hala nola kiwi-sorbete hau edo kiwia kafearekin eta intxaurrekin.

Erabaki al duzu zein den zure kiwi barietate gustukoena? Konta iezaguzu Facebooken, Twitterren,  Instagramen edo TikTok-en.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.