Tenperaturak jaisten direnean, gorputzak energia gehiago behar izaten du, beroari eusteko eta ondo errenditzeko. Fruitu lehorrak aliatu perfektua dira: gantz osasungarriak dituzte, landare-proteinak eta mineral esentzialak, hala nola magnesioa, zinka eta selenioa, neguan bizitasuna mantentzeko funtsezkoak.

BM Supermerkatuetan fruitu lehor aukera zabala aurkituko duzu—intxaurrak, arbendolak, hurrak, anakardoak edo pistatxoak—, snack modura jateko udazkeneko eta neguko errezetetan erabiltzeko paregabeak.

Pixkanaka askatzen den energia

Hilabete hotzetan, metabolismoa azeleratu egiten da, gorputzaren tenperatura kontserbatzeko. Fruitu lehorrek askatze moteleko energia ematen diote gorputzari, luzaroago aseta eta aktibo egoten lagunduz.

Aberatsak dira antioxidatzailetan eta gantz “onetan” (monoasegabeak eta poliasegabeak), sistema kardiobaskularra babesten dute eta gorputzaren berotasuna mantentzen laguntzen dute. Gainera, duten zuntz kopuru handiari esker, digestioa egiten laguntzen dute.

Hori bai, oso kalorikoak dira –500-500 kcal inguru 100 gramo bakoitzeko, Nutrizioaren Espainiako Fundazioaren arabera—, beraz, errazioak neurritsuak izatea eta haien nutrizio-kalitateaz gehiegikeriarik egin gabe gozatzea komeni da.

Intxaurrak, arbendolak, hurrak: zein dira hobeak?

Ez dago besteak baino hobea denik: egokiena da guztiak konbinatzea, fruitu mota bakoitzaren onurak aprobetxatzeko.

• Intxaurrak: omega-3 kopuru handia dute, eta bihotza eta burmuina zaintzen dituzte. Paregabeak gosaltzeko edo jogurtekin batera jateko.
• Arbendolak: kaltzio, magnesio eta E bitamina iturria; hezurrak eta giharrak indartzen dituzte. Goiz erdian edo kirola egin ondoren jateko egokiak. Oso ondo joaten dira errezeta gazietan, errezeta exotiko honetan, esaterako: oilaskoa arbendolekin.
• Hurrak: B bitamina eta antioxidatzaileak dituzte, nekeari aurre egiteko aproposak. Paregabeak dira oloarekin, kakaoarekin edo frutarekin batera jateko.
• Anakardoak: duten burdina eta triptofano kopuruagatik nabarmentzen dira; triptofanoak gogo-aldartea hobetzen laguntzen du.
• Pistatxoak: duten potasio eta zuntz kopuru handiari esker, asetasuna sentitzen eta nerbio-sistemak ondo funtziona dezan laguntzen dute.

Errazio perfektua

Kopuru egokia da eguneko eskukada bat (25-30 g), hau da, sei bat intxaur edo 10-12 arbendola. Neurri horiek errespetatuz gero, ez dute gizentzen, ezta dieta desorekatzen ere. Hain zuzen ere, hainbat azterketak erakusten du fruitu lehorrak egunero modu neurritsuan jateak profil lipidikoa hobetzen eta apetitua kontrolatzen lagundu dezakeela. 

• Aholkua: gehitu zure entsaladei edo gosariei (oloarekin edo jogurtarekin) egunean zehar banatuta, jaki horiei testura, zaporea eta nutrizio-balioa emateko. 

Fruitu lehorrez ari garela, makadamia-intxaurrak fruitu lehor kalorikoenetakoak dira, baina onura ugari ere badute.

Gordinik, txigortuta edo azalarekin?

Fruitu lehor gordinak edo txigortuak dira aukerarik onena, gatzik eta azukrerik gabe. Pixka bat txigortzen direnean, biziagotu egiten da haien zaporea, baina komeni da ez frijitzea eta estaldura gozorik ere ez gehitzea.

Fruitu lehor batzuen azalak –arbendolenak, esaterako– osagai fenolikoak ditu, efektu oxidatzailea dutenak, beraz, nutrizioari dagokionez, irabazle aterako gara azal eta guzti jaten baditugu.

Gustuko al dituzu fruitu lehorrak? Zein da zure gustukoena? Konta iezaguzu Facebooken, Twitterren,  Instagramen edo TikTok-en.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.