Bizi dugun garai honetan, ohikoa bihurtu da egunaren zatirik handiena eserita pasatzea. Bulegoko lanaren eta garraiobideetan eta, aisialdian, pantailen aurrean pasatzen ditugun orduen artean, uste duzun baino denbora gehiago igarotzen dugu eserita. Sedentarismoak osasunerako arriskuak ditu, baina horri aurre egin diezaiokegu, zenbait aldaketa txiki eginda.

Osasunaren Mundu Erakundeak (OME-OMS) jarduera fisikorik ez egitea jotzen du laugarren heriotza-arrisku faktoretzat munduan. Ordu luzez geldi egoteak mantsotu egiten du metabolismoa, eta muskuluak ahultzen ditu. Emaitza: pisua irabaztea, arazo kardiobaskularra, 2 erako diabetesa… Osasun mentalean ere badu eragina: sedentarismoa depresio-arrisku handiagoa izatearekin lotzen da.

Ibiltzea: aliatu eskuragarria

Ibiltzea edozeinek egiteko moduko ariketa da: ez da ekipamendu berezirik, gimnasiorik eta trebetasun teknikorik behar. Norwegian School of Sport Sciences unibertsitateak egunean 60 minutuz ibiltzea gomendatzen du, hobe goizean edo afalostean, gorputza jarduera fisikorako harkorrago dagoenean. Izan ere, frogatuta dago ibiltzeak onura ugari dituela:

• Osasun kardiobaskularra hobetzen du
• Hezurrak eta muskuluak indartzen ditu
• Glukosa-mailak erregulatzen laguntzen du
• Neuroendekapenezko gaixotasunak izateko arriskua murrizten du (Alzheimerra kasu)

Zenbat ibili behar dut?Urrezko araua:5/30

Egunean sei ordu baino gehiago egiten dituzu eserita? Hala bada, 5/30 estrategia behar duzu. Columbiako Unibertsitatearen azterketa bat egiaztatu du geldi gauden 30 minutu bakoitzeko 5 minutuz zutitzea nahikoa dela sedentarismoaren efektu negatibo ugariri aurre egiteko. Luzatzea, ibiltzea edo eskailerak igotzea nahikoa da zirkulazioa berraktibatzeko eta muskuluen zurruntasuna prebenitzeko.

Igogailuaren ordez eskailerak erabiltzea, laneko dei bat egin bitartean paseatzea edo gorputza luzatzeko etenaldiak egitea osasuna hobetzeko ariketa txikiak dira. Azterketa ugarik dio ageriko onurak dituela lanegun sedentario bati jarduera pixka bat jartzeak: odoleko glukosa-mailak hobetzen ditu, buru-nekea arintzen du, presio arteriala murriztu eta gaixotasun kardiobaskularrak prebenitu.

Lo egiten baino denbora gehiago pasatzen dugu eserita, eta gure gorputza horren ondorioak ordaintzen ari da. Egunean ordubetez ibiltzea, edo 30 minutuz erritmo bizian, edo tarteka ariketa batzuk egitea ez da denbora-galtze bat: osasunean eta bizi-kalitatean epe luzera inbertitzea da.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.