Egun hotzetan gorputza berotzeko ezinbestekoak. Gure sukaldaritza tradizionalaren parte dira zopak eta saldak. Osagai askorekin presta daitezke zopak; horrela, oso elikagai egokikorra da, pertsona bakoitzaren gustu eta beharretara egoki daitekeena.

Zopak ez dira plater monotonoa; urtaroaren arabera aldatzen dira. Berotasuna eta erosotasun sentsazioa ematen diguten zopak eta saldak ditugu; baita zopa freskagarriak ere, hala nola, udarako ezin hobeak diren gazpatxoa eta salmorejoa. Askotariko osagaiak erabiltzen dira zopak prestatzeko; hala nola, barazkiak, arrainak, haragia, pasta, lekaleak, arroza, gozagarriak… Osagai horiek, gainera, osasunerako dohain onuragarriak izaten dituzte.

Zopa tipikoenen artean, badaude bi Eguberrietako gure mahaietan oso ohikoak direnak: baratxuri-zopa eta tipula-zopa.

Baratxuri-zopak

Ezaugarri antiinflamatorioak eta bakterioen aurkako ezaugarriak ditu baratxuriak; gainera, artritisaren sintomak arintzeko oso egokia da. Urdail-hesteetako sistemari laguntzen dioten ezaugarriak ere baditu, eta arnas- eta gibel-sistemetarako ere oso ona da.

Gure baratxuri-zopen errezeten artean, honakoak nabarmen ditzakegu: baratxuri-zopa bakailao puskarekin eta baratxuri-zopa, hornigaia aparte duela. Aldea Dago aldizkariaren Eguberrietako Ale Berezian aurkituko dituzu errezeta horiek.

Tipula-zopak

Tipula-zopa da Eguberrietako ezinbesteko beste plater bat. Digestioari laguntzen dio, eta oso ona da gripearekin gaudenean. Odoleko azukre-maila erregulatzen du eta, baratxuriak bezala, ezaugarri antiinflamatorioak eta bakterioen aurkako ezaugarriak ditu.

Gure aurreko postean azaldu genizuen nola sortu ukitu ezberdineko menuak plater tradizionaletan oinarrituta; bada, muskuilu eta almendradun tipula-zopa errezeta hau historia luzeko errezeta bati ukitu pertsonala nola eman diezaiokegun erakusten digun adibidea da.

Hondoan dago zopaontzi on baten sekretua, ilusioz eta maitasunez prestatzean. Ausartzen al zara koilara sartu eta denak dastatzera?