Asmo onez gainezka iritsi ohi da urtarrila. Baita betetako gimnasioz ere... eta, aste gutxi batzuk geroago, bertan behera utzi ohi ditugu asmo horiek, isil-isilik. Ez du hutsik egiten: espektatiba handiegiekin hasten gara, eta bizitza errealerako marjina txikiarekin.

Akatsik ohikoena ez da izaten motibazio falta, jarduera fisikoa obligazio zorrotz gisa planteatzea baizik, denboran zehar iraun ahal izango duen ohitura malgu gisa planteatu beharrean. Nolanahi ere, ez dago indartsu hasi beharrik ondo hasteko.

Zergatik egiten dute porrot fitness helburu askok?

Dena bat-batean egin nahi izatea dena bertan behera uzteko errezetarik onena da: astean bost egunez entrenatzea, errutina goitik behera aldatzea eta emaitza azkarrak espero izatea. Planteamendu horrek nekea, frustrazioa eta, kasu askotan, erru-sentimendua sortzen dute.

Horri gehitu behar diogu Eguberrietako jaien ondoren asko hedatzen den beste ideia bat: kirola Gabonetako gehiegikeriak “konpentsatzeko” zigor gisa erabiltzea. Hala ere, Osasunaren Mundu Erakundeak zein Osasun Ministerioak behin eta berriz diote jarduera fisikoa osasunerako eta ongizaterako tresna gisa ulertu behar dela, eta ez aldi baterako penitentzia modura.

Halaber, eragina du kirola gehiegikeriak, batez ere Eguberrietakoak, “konpentsatzeko” dela pentsatzeak ere. Hala ere, Osasunaren Mundu Erakundearen esanetan, jarduera fisikoa osasuna eta ongizatea hobetzeko tresna gisa ulertu behar da, eta ez aldi baterako penitentzia modura.

Urtarrilean mugitzen hastea

Lehenengo urratsa da espektatibak egokitzea. Pixkanaka hastea, baliagarria ez ezik, gomendagarria da. Egunero oinez ibiltzeak berak balio du, edo eskailerak igotzeak, etxean luzaketa-ariketak egiteak zein 15-20 minutuz entrenamendu erraz bat egiteak.

Egunero mugitzea etxean erraz egin daitezkeen ariketekin konbinatzea  aukera ona izan daiteke, batez ere hotz edo euria egiten duen egunetan, jarraitutasunari eusteko, joan-etorri edo ekipamendu handirik behar izan gabe..

Funtsezkoa da ariketa atseginak aukeratzea ere. Dantza, boxing fitness-a edo errutina laburrak online jarraitzea gure erritmoarekin bat ez datozen entrenamenduak egitea baino motibatzaileagoa izan daiteke.

Gimnasiora itzultzen direnentzako, poliki-poliki egitea funtsezkoa da, lesioak saihesteko eta lehenengo asteetan dena bertan behera ez uzteko.

Epe luzera onuragarriak diren ohitura txikiak

Osasun Ministerioaren eta Osasunaren Mundu Erakundearen gomendioak bat datoz puntu batean: erregulartasuna intentsitatea baino garrantzitsuagoa da. Hona hemen ohitura erraz eta erabakigarri batzuk:

• Eguneko une jakin bat erreserbatzea mugitzeko, denbora gutxi bada ere.
• Lor ditzakegun helburuak finkatzea, eta helburu horiek astero berrikustea.
• Kirola energia emango digun elikadura orekatu batekin konbinatzea, hala nola fruitu lehorrak dituen elikadura, neurrian bada ere.
• Aurrerapenak ospatzea, txikiak badira ere.

Eta gorputza mugitzeko ohitura horiekin batera, ez dugu ahaztu behar elikadurak duen garrantzia. Elikagai freskoak jatea funtsezkoa da epe luzera dieta osasungarri eta orekatua izateko. BM Supermerkatuetan, hurbileko eta tokiko produktu freskoen aldeko apustua egiten dugu, produktu-sorta zabalarekin eta profesionalek artatutako sekzioekin, hala nola arrandegia, harategia, fruta-sekzioa eta urdaitegia, non konfiantzaz aukera dezakezun eta erosketa bizitza-estilo aktibo eta osasungarrira egokitu.

Zer egiten zaizu zailagoa kirol-ohitura bati eusten saiatzen zarenean? hastea, konstantea izatea edo denbora ateratzea? Konta iezaguzu Facebooken, X,  Instagramen edo TikToken.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.