Urtetan, ospe bidegabea izan du patatak. Frijituekin edo kaloria askoko platerekin lotu izan da eta, ondorioz, ezinbesteko eta oinarrizko jaki izatetik, “susmagarri” izatera pasatu da. Baina ezta hurrik eman ere.

Ondo prestatuz gero, osagai erraza, merkea eta elikadura orekatuarekin erabat bateragarria den jakia da. Betiko oinarrizko elikagaia, sukaldean protagonismoa berreskuratzea merezi duena.

Karbohidratoak baino askoz gehiago

Askok karbohidratoak soilik eskaintzen dizkigutela uste duten arren, eskaintzeko askoz gehiago du patatak. Energia-iturria da, C bitamina eta potasioa ditu eta, azal eta guzti kontsumituz gero, baita zuntza ere.

Gainera, glutenik gabeko jakia da berez; horri esker, dieta mota guztietarako aukera praktikoa da.

Baina badago ñabardura garrantzitsu bat: nutrizioari dagokionez duen inpaktua kozinatzen den moduaren araberakoa da. Adibidez, egosita edo kozinatu ondoren hoztuta, beste modu batzuetara prestatuta baino inpaktu gluzemiko txikiagoa izan dezake.

Nola prestatu patata, osasungarria izan dadin

Bai, patata ez da arazoa: Egosita, lurrunetan edo labean prestatuta, arina eta elikagarria da. Frijituta edo saltsa askorekin janez gero, nabarmen handiagoa izango da haien balio kalorikoa.

Horregatik, konbinazio sinpleak probatzera animatzen zaitugu: oliba-olio zurrustatxo bat, belar aromatikoak edo piperbeltz ukitu bat nahikoa dira patataren zaporea bizitzeko, kaloriarik gehitu gabe. Etekin handiagoa atera nahi badiozu, sustrai eta tuberkulu erreetarako ideia hauek erabil ditzakezu.

Patata protagonista zein osagarri izan daiteke, plater beroetan edo entsaladatan, barazkiekin, haragiekin edo arrainekin konbinatuta. Duen testurari esker, ideala da errezeta krematsu zein kurruskarietarako; hala, osagai moldakor eta goxoa da, zure sukaldean falta beharko ez litzatekeena. Adibidez, aukera erraz eta orekatua da kartoffelsalat patata-entsalada hau.

Hori bai, prestatzeko moduak zerikusia du patatako mozteko moduarekineta, nola ez, garrantzitsua da plateraren araberako barietatea erabiltzea.

BM Supermerkatuetan kalitatezko patatak aurkituko dituzu, zure egunerokoan orekaz eta zailtasunik gabe kontsumitzeko.

Gertatu al zaizu patata gutxiestea edo zure errezetetan modu osasungarrian erabiltzen ez jakitea?  Konta iezaguzu Facebook, X, Instagram edo TikTok-en.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.