Orburuak neguko produkturik zaporetsu eta osoenetakoak bihurtzen dira. Duten zapore bereziarekin –gozo eta mingots artekoa– eta testura samurrarekin, idealak dira gisatu suspergarriak edo plater azkarrak prestatzeko. Baina duten zaporeaz harago, orburuak benetako altxor nutrizionala dira, digestio-ongizaterako lagungarriak diren zuntzez, antioxidatzailez eta osagaiez betetako barazkiak.

BM Supermerkatuetan aurki ditzakezu, freskoak zein kontserban, baita izoztuta ere, paregabeak duten zapore bereziari muzin egin gabe aukera azkar bat nahi dutenentzako.

Zure gorputzerako onurak: garbiketa eta digestio arina

Orburuak perfektuak dira digestio arina eta orekatua mantentzeko. Duen zuntz kopuru handiari esker (10,7 gramo 100 gramo bakoitzeko), heste-igarotzea hobetzen du. Gainera, bere osagairik paregabeena den zinarinak gibelak ondo funtziona dezan eta koipeak digeri ditzan laguntzen du; horrela, bada, efektu desintoxikatzailea du.

Duen profil desintoxikatzaileak –flabonoide eta osagai fenoliko kopuru handiarekin– oxidazio-estresari aurre egiten laguntzen du, gure zelulak babestuz. Hori guztia, gainera, 100 gramo bakoitzeko 43 kcal-rekin soilik; horrenbestez, aukera bikaina da dieta osasungarrietarako.

Zalantzarik gabe, elikagai osoa, arina eta urteko sasoi honetarako egokia da, jaki digestiboak eta suspergarriak bilatzen baititugu: Orburu-krema, urdaiazpiko-kurruskariarekin, adibidez.

Nola kozinatu orburua, bere propietateak kontserbatzeko

Orburua delikatua da, baina baita esker onekoa ere, ondo tratatzen badugu:

• Gordinik: orburuaren bihotza paregabea da entsaladatarako, oliba-olio birjina estraz onduta.
• Erreta: plantxan edo labean, punta eta guzti, hezetasuna mantentzeko.
• Lurrunetan: hauxe da kozinatzeko modurik egokiena, mantenugaiak ez galtzeko. Moztu barazkiak ahalik eta tamaina handieneko zatietan, galerak minimizatzeko.
• Egosita: erabili ur gutxi (estaltzeko behar dena baino ez), itxaron ura irakiten hasi arte orburuak sartzeko, eta kozina itzazu al dente. Aprobetxa ezazu egosteko erabilitako ura, zopak edo pureak egiteko.

Gustatzen al zaizkizu orburuak? Nola aprobetxatzen duzu sasoiko barazki hau? Konta iezaguzu Facebooken, Twitterren,  Instagramen edo TikTok-en.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.