Askok mahatsa Urtezahar gaueko kanpaiekin eta pikuak Eguberrietako orejoiekin edo postreekin lotu ohi duen arren, iraila eta udazkenaren hasiera izaten dira fruta horien zaporearen, testuraren eta berezko gozotasunaren une gorena.

Uda amaiera eta udazkenaren hasiera dira jateko mahats eta sasoiko piku freskoak aurkitzeko sasoirik onenetako bat. Fruta gozoak eta aromatikoak dira, eta ondo funtzionatzen dute, bai bakarrik, bai entsaladetan, edo gaztarekin eta haragiarekin batera, baita labean prestatutako oreetan ere.

Irailak mahats eta piku zaporea du

Barietatearen eta laborantza-zonaren arabera datak alda daitezkeen arren, iraila hilabete benetan interesgarria da mahats eta piku freskoez gozatzeko.

Gainera, orain kontsumitzeak aukera ematen digu fruta-saskia aldatzeko, urte-sasoiarekin lotutako produktuak aprobetxatuz. Kontatu genizun zergatik ez dagoen Urtezahar gauera arte itxoin beharrik mahatsaz gozatzeko.

Zer eskaintzen digute, eta nola aukera ditzakegu beren puntuan?

Ahogozagarri iragankorrak izateaz gain, biek dute berezko gozotasuna, baina profil ezberdineko frutak dira.

• Mahatsek ura eta karbohidratoak dituzte batez ere, baita hainbat konposatu fenoliko ere. Barietate gorri eta beltzetan hainbat pigmentu daude, hala nola antozianoak, duten kolorea ematen dietenak.
• Piku freskoek zuntza eta mineralak dituzte, potasioa kasu, baita kaltzio eta magnesio kantitate txikiak ere. Eta alde garrantzitsu bat, lehorrekin alderatuta: ur gehiena kontserbatzen dutenez, duten energia-dentsitatea nabarmen txikiagoa da.

Eta nola asmatu fruta horiek erosterakoan? Mahatsaren kasuan, fruitu irmo, leun eta zutoinari ondo atxikita dauden sortak aukeratu behar ditugu. Pikuak bigun samarrak egon behar dira ukitzerakoan, baina hondoratu edo hondatu gabeko zonarik gabe.

Behin etxean, gorde itzazu hozkailuan, eta ez itzazu garbitu kontsumitzeko unera arte. Pikuak bereziki delikatuak dira, beraz, lehenbailehen jatea komeni da.

“Postrerako fruta” baino askoz gehiago

Hauxe da fruta biek harritu gaitzaketen alderdia. Duten gozotasunak bereziki ondo funtziona dezake osagai gazi, garratz edo mingots samarren kontrapuntu modura.

• Entsaladak eta ogi txigortua: Zatitu pikuak lau puskatan, eta konbinatu ahuntz-gaztarekin, intxaurrekin edo kimu berdeekin, edo bota erditik moztutako mahatsak ziazerba eta feta gazta entsalada batean.
• Haragiak eta errekiak: Mahatsak oso egokiak dira hegaztiekin uztartzeko, ahate edo oilasko errearekin esaterako; labean egindako pikuak, berriz, hornigai bikaina dira txerrikiarekin edo azpizunarekin batera jateko.
• Gaztak eta oreak: Labean egin ditzakezu. Fruta biak datozkie ezin hobeto oreei, gazta ondu edo urdinekin.

Eta, hain zuzen ere, azkeneko aukera horretatik sortua da gure proposamena, biak batera aprobetxatzeko: mahats, ahuntz gazta eta erromero focaccia, gozoa eta gazia konbinatzen dituena, uda agurtzeko eta udazkenaz gozatzen hasteko aukera perfektua.

BM Supermerkatuetan sasoian sasoiko frutak eta ortuariak aurkituko dituzu, produktu bakoitzaz bere sasoia iristen denean aprobetxatzen jarraitzeko.

 

Mahatsa edo pikuak nahiago? Plater gazietan ere erabiltzen al dituzu? Konta iezaguzu Facebooken, X-en,  Instagramen edo TikTok-en.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.