Geure cookieak eta hirugarrengoenak erabiltzen ditugu gure webgunean erabiltzaileen nabigazioa aztertzeko eta hobetzeko, baita publizitate interesgarria eskaintzeko ere, betiere mezu hau onartu eta berariaz adostasuna ematen badiozu. Gure cookieen politikari buruz gehiago irakur dezakezu.

Zure kontua

  • Konektatzen...
BM SUPERMERCADOS

AKTUALITATEA

1. argazkia

Elikadura

Untxi-haragia: koipe gutxikoa, familia osoarentzat egokia

Haragi zurien taldekoa da untxia, hots, koipe gutxiko jakia; beraz, astean bitan ere jan daiteke. Untxiaren ezaugarri nutrizionalak direla eta, ia dieta guztietarako da egokia haren haragia, eta etxeko guztiok balia gaitezke jaki koipegabe horren abantailez.

  1. Primerakoa da untxi-haragia argaltzeko dietetarako, eskasa da-eta haren kaloria-ekarpena.
  2. Gantz gutxikoa izaki, koipe eta kolesterol urriko dietetarako ere aproposa da untxi-haragia.
  3. Hipertentsioa dutenentzat ere gomendatzekoa da, sodio gutxi eta potasio ugari duelako.
  4. Balio biologiko handikoak dira untxi-haragiaren proteinak, eta ia osorik aprobetxatzen ditu organismoak. Lagungarriak dira, beraz, gure gihar- edo muskulu-masa mantentzeko eta areagotzeko. Horregatik, oso egokia da untxi-haragia kirolarientzat, bai eta hazkunde-etaparen batean dauden guztientzat ere.
  5. Diabetikoentzat gomendatzekoa da, orobat, haragi koipegabe hori karbohidrato gutxi baitauka.
  6. Ezin egokiagoa da, bestalde, digestio-arazoak dituztenentzat, erraz digeritzen da eta.
  7. Haurdun dauden eta bularra ematen ari diren emakumeentzat ere gomendagarria da untxi-haragia, B12 bitamina ugari dauka eta. Animaliek bakarrik daukate bitamina hori, eta globulu gorriak sortzeko balio du; hori dela eta, anemiaren aurkako prebentzioari laguntzen dio, eta nerbio-sistemaren funtzionamendu egokiari.
  8. B12 bitamina ez ezik, besterik ere badu untxi-haragiak:B multzoko B3 eta B6 bitaminak, adibidez, garrantzizkoak, biak ere, kontsumitzen ditugun elikagaien nutrienteak eta energia aprobetxatzeko. Ezaugarri horiek direla eta, lagungarria da haragi-mota hau udazkeneko asteniari aurre egiteko ere. Eguneroko eginkizunetara itzultzeak eta argitasun naturala gutxitzeak eragin ohi du ahulezia hori.

 

NOLA PRESTATU UNTXI-HARAGIA

Aukera gastronomiko ugari eskaintzen ditu untxi-haragiak. Koipe gutxiko haragia izaki, aukera ugari eskaintzen ditu untxiak sukalderako; dena dela, gantz gehitu gutxieneko prestatzeko moduak lehenetsi behar dira beti.

Errezeta hauek proposatzen dizkizuegu guk, untxi-haragiaz osasuna zainduz goza dezazuen.

 

NUTRIZIO-OSAERA

  • Kaloria-ekarpena, 140 kcal/100 g.
  • Koipeak: % 5. Oso kolesterol gutxi (72 mg/100 g).
  • Proteinak: % 15, balio biologiko handikoak.
  • Oso karbohidrato gutxi.
  • MINERALAK: fosforoa, 215 mg; sodioa, 45 mg (oso gutxi) eta potasioa, 350 mg (asko).
  • BITAMINAK: B multzokoak, batez ere: kobalamina (B12), 10 µg; niazina (B3), 12,5 mg.

 

Marta aguirre   Dra. Marta Aguirre. Nutrizioa y Medikuntza estetikoa

 

Bizkaiko, Arabako eta Gipuzkoako BM supermerkatuetako harategietan aurkituko duzu BM BERTAKO UNTXIA, hemengo haztegietan hazia. Euskal Herriko untxi-hazleen elkarteak, EUSKAL UNTXIAk, BM supermerkatuekin sinatu duen hitzarmenari esker, piezarik haragitsuenak eta gozoenak hautatzen dizkigu, gutxienez 1,2 kilokoak. Goi-kalitateko untxiak, BMrentzat berariaz hautatuak.

 

Marka horretako produktuak kontsumitzen badituzu, hemengo ekoizleei lagunduko diezu, bai eta ekoizte-prozesuan esku hartzen duten gainerako eragileei ere, guztiak ere hemengoak: pentsu-fabrikei, haztegiei eta hiltegiei. Gainera, ziurtagiri hori lortzeko behar diren kontrol-kalitatea eta trazabilitatea bermatuak dituzu.