Abendua iristen denean, etxe askotan –batez ere Nafarroan, Aragoin, Errioxan eta Euskadin–, lapikoan dagoenaren arabera ere hasten gara egutegia neurtzen: kardua eta borraja. Urteko sasoi honetako errezeta tradizional askoren osagaiak dira, eta gisatuekin, labekoekin edo familia-menuekin zerbitzatzen dira orain dela belaunaldi askotatik.

Arinak, digestiboak eta oso moldakorrak dira, eta neguko sukaldaritzaren sinbolo bihurtu dira. Eta sasoiko produktuekiko interes berritu honekin, gero eta sarriago ikusten ditugu Gabonetako menuetan, bertsiorik klasikoenean edo proposamen modernoagoetan.

Jai-egunetarako perfektuak

Karduak eta borrajak badute antzekotasunik: urte-sasoi honetan ohikoak diren jatordu astunak orekatzen laguntzen dute.

• Kardua: ur eta zuntz kopuru handia du, eta kaloria gutxi. Inulina eta zinarina dute karduek, digestioari eta gibelaren funtzioari laguntzen dioten osagaiak; kolesterola kontrolatzeko ere onuragarriak dira.
• Borraja: mineralak, C bitamina eta hanturaren aurkako efektua duten osagaiak ditu. Ur kantitate handia eta energia-ekarpen txikia duenez, barazki oso arina da.

Nola garbitu eta kontserbatu, lan handirik hartu gabe

Kardua eta borraja prestatzeko, maitasun pixka bat behar da, baina emaitza ikusita, merezi du:

• Kardua: kendu hari-zuntzak azal-kentzeko batekin, ebaki zatitan, eta sartu limoi-uretan, ez daitezen ilundu. Egosi ur gazitutan.
• Borraja: bereizi zurtoinak, kendu ertzetako hariak, eta ebaki zatitan. Irakin 20-25 minutuz, biguntzen den arte.

Praktikotasunera jo nahi baduzu, BM Supermerkatuetan dagoeneko garbituta edo kontserban dauden karduak eta borrajak aurkituko dituzu, errezeta azkarretarako aukera ezin hobea, zapore tradizionalari muzin egin gabe.

Eta kontserbatzeko? Kardu eta borraja freskoak hozkailuan gorde behar dira, eta egun gutxitan kontsumitu. Kontserbak, berriz, leku fresko eta lehorrean; behin irekitzen ditugunean, beti hotzetan.

Errezeta tradizionaletik jai-giroko bertsioetara

Kardua arbendolekin (arbendola ehotuz prestatutako saltsa suabe batekin) edo borraja patatekin (errezeta erraza, baina goxo-goxoa) horren plater tipikoak dira, ezen askorentzako “etxe zaporea” baitute Gabon inguruko egun hauetan.

Ukitu modernoagoa eman nahi badiezu, bertsio “dotoreagoak” eta jai-girokoagoak proba ditzakezu; hala nola txirlak ardo zuriz eta perrexilez prestatuta, karduarekin; kardua gaztaz gainerreta ideala, jai-egunetarako aperitibo gisa; edo, baita borraja-krema bat ere, urdaiazpikozko kurruskariz, beste sarrerako dotore bat, eta prestatzeko erraza.

Eta zuk, zer nahiago duzu Eguberrietan? Kardua edo borraja? Barazki hauekin prestatutako zer errezeta izango duzu etxean Eguberri hauetan? Konta iezaguzu Facebooken, X,  Instagramen edo TikToken.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.