Beroa iristen denean, neguan eskatzen duenaren erabat kontrakoa eskatzen du gorputzak: jaki freskoagoak, digestio arinak eta eguna astuntasun edo hanturarekin ez amaitzearen sentsazioa. Eta hortxe azaltzen da gero eta gehiago errepikatzen den terminoa: elikadura antiinflamatorioa.

Baina, zer esan nahi du? Benetan existitzen al da dieta “antiinflamatorio” bat? Erantzun laburra da bai... eta ez. Elikadura, metabolismoa eta ongizate digestiboa lotuta daude, baina ez gara mirarizko dietez edo elikagai magikoez ari. Ideia sinpleagoa da.

Zer da “antiinflamatorioa”?

Hantura edo inflamazioa organismoak lesio edo infekzio baten aurrean duen berezko erantzuna da. Arazoa agertzen da denboran zehar mantentzen diren ohitura jakin batzuek –hala nola ultraprozesatu gehiegi jateak, sedentarismoak edo barazki gutxiko dietek– maila txikiko inflamazio-prozesuak sustatzen dituztenean.

Elikadurak eragina izan dezake hantura-egoera horretan, mesederako edo kalterako. Ez dago berez dieta “antiinflamatorio” ofizialik, baina badaude adierazle metaboliko hobeak izatearekin lotutako elikadura-ereduak, hala nola dieta mediterraneoa; entsegu kliniko baten arabera, dieta horrek % 30 murritz dezake arazo kardiobaskularrak izateko arriskua eta inflamazio-adierazleak.

Zein elikagai dira egokienak bero egiten duenean?

Udan, janari oso koipetsuak edo oparoak astunagoak izaten dira. Horregatik, hobeto funtzionatu ohi du ur, zuntz eta mantenugaietan aberatsak diren jakiak aukeratzeak:

• Ur kopuru handiko frutak; angurria, meloia edo marrubiak, esaterako.
• Barazki freskoak, batez ere sasoikoak.
• Arrain urdinak …(sardina, berdela eta izokina, besteak beste). Astean 150 gramo inguruko bizpahiru errazio kontsumituz gero, inflamazio-adierazleak murrizteko beharrezko Omega-3 kantitatearen zati handi bat emango diogu gure organismoari; azterketa klinikoek diote egunean 3 gramo behar ditugula.
• Jogurtak eta hartzituak: egunero jaki hartzituak kontsumitzeak areagotu egiten du hesteetako mikrobiotaren aniztasuna, eta 19 inflamazio-adierazle sistemiko ere murrizten du, azterketa honen arabera.
• Lekaleak bertsio arinetan, entsalada edo hummus-etan, esaterako
• Zereal integralak, errazio neurritsuetan

Zuntzean aberatsak diren jakiek eginkizun berezia dute: heste-igarotzeari laguntzen diote, asegarriak dira, eta mikrobiota elikatzen dute, eta hori gero eta gehiago lotzen da osasun digestibo eta metaboliko hobea izatearekin.

Udan ondorioak izaten dituzten elikadura-ohiturak

Baina alferrik da zer jaten duzun zaintzea, ohitura jakin batzuek zapuzten badute. Azkarregi jateak, otordu batzuk ez egiteak eta ondoren kantitate handiekin konpentsatzeak areagotu egin dezakete hantura-sentsazioa.

Udan ohikoak diren beste ohitura batzuk ere badute eragina: azukredun edari freskagarriak eta edari karbonatatuak edateak, etengabe mokadutxoak jateak, berandu afaltzeak edo alkoholdun edari gehiegi edateak. Horrek guztiak digestioa erasan dezake, eta astunago sentiaraz gaitzake.

BM Supermerkatuetan fruten, barazkien, arrainaren eta kalitatezko eta gertuko produktu freskoen aldeko apustua egiten dugu beri, uda elikadura orekatu, anitz eta errealistago batekin presta dezazun.

 

Ba al dago jaki edo ohituraren bat, udan arinago senti daitezen laguntzen dizula nabaritzen duzuna? Konta iezaguzu Facebook, X, Instagram edo TikTok-en.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.