Lozio autobrontzeatzaileak aukera ona dira larruazalak urre kolore erakargarria har dezan, udan eguzki-izpien eraginpean egotea gustatzen ez zaizun pertsona horietakoa bazara (edo ezin baduzu).

Urte osoan beltzarantzeaz gozatzeaz gain, mota honetako kremek azal leuna eta hidratatua izaten lagunduko dizuten osagaiak ere izaten dituzte.

Hona hemen lozio autobrontzeatzaile bat erabiltzeko hiru arrazoi:

• Pixkanaka itxura naturaleko tonu beltzarana lortzen du.
• Larruazaleko zelulen berritzea estimulatzen laguntzen du.
• Azal leunagoa izateko osagai nutritiboak ditu.

Nola erabili krema autobrontzeatzaile bat

Krema horiei esker beltzaran polita erakusteko, larruazala prest eduki behar da. Hauek dira urratsak:

1. Esfoliazioa: astean behin edo bitan (batez ere ukondoetan, belaunetan eta orkatiletan) zelula hilak kentzeko. Horrela, handitu egingo da krema autobrontzeatzailearen eraginkortasuna.
2.  Hidratazioa: hobe da dutxa hartu eta olio hidratatzailea aplikatu ondoren erabiltzea. Kontuan izan behar da larru lehorrek hidratatuak baino krema autobrontzeatzaile gehiago xurgatzen dutela; beraz, gorputz osoa berdindu behar da.
3.  Aplikazioa: aplikatu 3 egun jarraian, nahi den tonua lortu arte eta gero, efektuari eusteko, berritu aplikazioa 4 egunean behin. Garrantzitsua: bete produktuan jasotako aplikazio-jarraibideak eta saihestu eremu sentikorrak, hala nola mukosak, ezpainak eta begiak.
4.  Garbiketa: aplikazioa amaitzean, esku-ahurrak, azazkalak eta hatzak garbitu behar dira, ez kolkoratzeko. Beltzarantzeko efektua ordu pare batean ikus daiteke.  

Kontuan izan krema autobrontzeatzaileek ez dutela UVA eta UV izpien aurka babesten. Horregatik, eguzki-krema erabiltzea eta erregulartasunez aplikatzea gomendatzen da.