BM Supermerkatuek establezimendu berria inauguratu dute gaur, asteazkena, azaroak 10, BM Shop formularekin, Nafarroako Murchante udalerrian (Konde kalea 77).

300 metro koadro ditu espazio berri horrek, eta 5.000 erreferentzia inguru; produktu freskoa izango da protagonista, langileek arreta eskainiko duten arrandegiarekin eta harategiarekin, fruta sekzioarekin, ardandegia, produktu izoztuak eta ogi-labearekin.

Halaber, BMk tokian tokiko produktua, elikadura osasungarria eta inguruko ekonomia bultzatzeko duen konpromisoarekin jarraituz, Nafarroako produktuak eskainiko ditu.

09:00etatik 21:00etara egongo da zabalik astelehenetik ostiralera, 09:00etatik 14:30era larunbatetan, eta 09:00etatik 14:00etara igandetan; bezeroek erosketak etxera eramateko zerbitzua ere izango dute aukeran.

Supermerkatu honekin, taldeak 27 establezimendu ditu dagoeneko Nafarroan; gainera, bultzada bat ematen zaio BM Shop frankizia-formatuari. Beste denda-formatu batzuk jartzea ezinezkoa izango litzatekeen herri eta auzoetara iristen da horrela BM.

Nafarroako hirugarren BM Shop denda da hau; Ribaforadan eta Milagron daude beste biak. Guztira, frankiziadun 19 supermerkatu jarri ditu martxan BM Supermerkatuen taldeak, Nafarroan, Euskadin, Kantabrian, Errioxan eta Asturiasen.