Zainzuriak zuriak eta berdeak uztartuko ditugu plater berean.Azken horiekin, ozpin-olio goxoa prestatuko dugu, eta zainzuri zuriak ontzeko balioko digu.

OSAGAIAK

(4 pertsonarentzat)
12 zainzuri zuri
1 sorta zainzuri berde
20 antxoa, latakoak
8 pipermin
Azukrea eta gatza egoste-uretarako
10 ml sagardo-ozpin
20 ml oliba-olio birjin estra

PRESTATZEA

Zainzuri zuriak zurituko ditugu eta zurtoinaren azken zatia kenduko diegu. Ur irakinetan 15 minutuz egosiko ditugu gatza eta azukrearekin. Ur horretan utziko ditugu gerorako. Zainzuri berdeak pixka batean salteatuko ditugu, eta zuku-makinatik pasatuko ditugu. Zuku hori olioarekin eta ozpinarekin onduko dugu. Zainzuriak platerean jarri eta gainetik ozpinolioa erantsiko diegu. Amaitzeko, antxoak bildu, eta piperminekin batera dekoratuko dugu platera.

PREZIOA: TXIKIA
DENBORA: 45’
ZAILTASUNA: 6/10
OSASUNGARRIA: 10/10