Zure kontua

  • Konektatzen...
BM SUPERMERCADOS

AKTUALITATEA

1. argazkia

Txipiroiak tintan

Lau lagunentzako osagaiak

Bizpahiru txipiroi

250 ml. oliba-olio birjina estra

Sei tipula handi

Baratxuri-buru txiki baten erdia

Hiru piper berde

100 ml ardo zuri

3 tomate

Zortzi ogi-zati frijitu

Nola prestatu:

Txipiroiak garbitu, eta barruan duten tinta katilu txiki batean gordeko dugu, uretan. Gorputza garbituko diegu, bueltan eman, eta txibiaren tentakuluekin eta gainerako atal haragitsuekin beteko dugu; ziurta zaitezte bentosak ondo karrakatzen dituzuela tentakulu txikien erdian dituzten uztaiak eta ahoa –mokoa– ateratzeko.

Gatza bota, eta zartagin batean salteatuko ditugu, olio gutxirekin eta estalita, zipriztindu ez gaitzaten. Gero pixka bat gorrituko ditugu.

Saltsa prestatzeko: Tipulak zatitu eta poliki-poliki sueztituko ditugu kazola batean, oliba-olioarekin. Baratxuriak gehituko dizkiogu, erditik moztuta, baita piper berdeak ere, zatituta eta hazirik gabe. Dena izerditzen utziko dugu, eta tomateak gehituko dizkiogu, xaflatan moztuta.

Tintak –ur eta guzti– eta ardo zuria birringailutik pasatuko ditugu, eta barazkiak gehituko dizkiogu.

Apaintzeko, ogi-zati frijituak erabiliko ditugu.

  • LEHENAK
  • BIGARRENAK
  • ZAILTASUNA: HANDIA
  • DENBORA: +60'
  • LAKTOSA GABEA
  • OSASUNGARRIA
  • HAURRAK