Lau lagunentzako osagaiak

Bi txahal-masailak

Tipula bat

Azenario bat

Apio-adar bat

Porru bat

100 gramo tomate, zatituta

500 ml jerez

200 ml haragi-salda

100 ml ardo beltz

Koilarakadatxo bat azukre

Piperbeltz beltza, ehotuta

Ezkai-adar bat

Erramu-hosto bat

Nola prestatu:

Txahal-masaila zatitan moztu eta 12 orduz mazeratuko dugu jerezetan –erdia– (noizean behin buelta emango diogu). Xukatu eta gatzpipertu egingo dugu. Olioa berotu, eta haragi zatiak gorrituko ditugu.

Lapiko batean, tipula eta apioa xehetuta, azenarioa osorik, erramua, ezkaia, gainerako jereza, haragi-salda, ardo beltza eta tomate kontzentratua jarriko ditugu. Eta azukrea, gatza eta piperbeltz beltza botako diogu..

Haragia ere sartuko dugu. Ordu eta erdiz egosiko dugu, lapikoa estalita. Haragia eta azenarioa atera, eta gerorako gordeko ditugu.

Saltsa birrindu, eta puregailutik pasatuko dugu. Berotu egingo dugu, urritu eta loditzen den arte. Haragia eta azenarioa (xaflatan) gehituko dizkiogu saltsari, eta irakite labur bat emango diogu.

• BIGARRENAK
• HARAGIAK
• ZAILTASUNA: ERTAINA
• DENBORA: +60'
• OSASUNGARRIA
• ZELIAKOAK
• HAURRAK
• LAKTOSA GABEA