Lau lagunentzako osagaiak:

Lau errege-sagar

80 gramo gurin

100 gramo azukre

Kanela-hautsa

Esne-gain harrotua egiteko:

Harrotzeko esne-gaina, 100 gramo

15 gramo azukre

Karamelu gazia egiteko:

Litro erdi sagardo

100 gramo azukre

Gatza

Intxaurrak, zurituta

Menda

Nola prestatu:

Kendu erdigunea sagarrari, erdiragarri baten laguntzarekin. Bete barrua gurinez eta azukrez, eta labekatu 25 minutuz, 180 ºC-tara. Labeak horretarako aukerarik baldin badu, gomendagarria da aireztapena aktibatzea.

Esne-gain harrotua egiteko

Nahastu esne-gaina eta azukrea, eta utzi hozten. Jarraian, harrotu ezazu, hagaxka batekin. Esne-gaina zenbat eta hotzagoa egon, errazagoa izango da hura harrotzea, eta trinkoago geratuko da.

Karamelua egiteko

Jar ezazu azukrea kazola batean, su geldoan, azukreak kolore horixka hartzen duen arte. Bota azukrea sagardoari kontu handiz (tenperatura aldearen eraginez, zipriztin dezente bota dezake). Eragin ondo nahasketari, eta murritz ezazu, jarabe arin baten trinkotasuna hartzen duen arte. Gehitu gatza, eta utzi nahasketa hoztu dadin.

Platerera ateratzerakoan, jarri lehendabizi sagarra platerean. Ondoren, jar ezazu harrotutako esne-gain bola bat gainean, eta bota gainetik intxaurrak eta menda-hostotxoak. Azkenik, isuri karamelu gazia, kanela nahierara, eta prest dago!

• POSTREAK
• GOZOAK
• ZAILTASUNA: TXIKIA
• DENBORA: 30'-60'