Zeuregana itzazu gonbidatuak amaierarekin. Dena probatu dutela uste dutenean, atera iezaiezu postrea eta koktela konbinatzen dituen plater perfektua, eta erabat zeureganatuko dituzu. Ez dio axola zure menuko plateren batek erabat bete ez baditu. Utz itzazu aho zabalik amaierarekin, eta eman amaiera bikaina zure gonbidatuei.

Jarraian, postre eta koktel konbinazioa proposatzen dizugu; ezin hobeki uztartzen dira. Horrela, has ezazu Urte Berria modurik gozoenean.

Lima eta menda tarta

Osagaiak (Lau lagunentzako)

200 gramo gaileta birrindu (BUENA MARÍA)

100 gramo gurin (CLAS)

400 gramo gazta-krema

50 gramo esnegain

Bi limaren zukua

Bi limaren birrindura

100 gramo azukre (ACOR)

2 gelatina-orri (ROYAL)

Nola prestatu

Tartaren oinarria prestatzeko, gaileta birrindua eta gurina nahastuko ditugu pomada puntua lortu arte, eta nahasketa horrekin estaliko dugu kazola zapal bat.

Esnegaina gelatinarekin –aurrez hidratatuta– eta azukrearekin batera berotuko dugu.

Irakin, eta nahasketa hori gazta-kremari gehitzen joango gara, limarekin batera.

Gaileta-oinarriaren gainera bota, eta tarta mamitu dadin utziko dugu.

Zatitan moztu, eta zerbitzatu.

Mojitoa

Osagaiak (Lau lagunentzako)

60 ml ron

20 ml lima-zuku

8 menda-hosto

Lima-birrindura

Izotz txikitua

120 gramo ur edo ur gasdun

Nola prestatu

Almaiz batekin, menda-hostoak eta azukrea zehatuko ditugu.

Edalontzi batean jarri, rona lima-zukuarekin gehitu, eta ura eta izotza isuriko ditugu, birrindurarekin batera.

• POSTREAK
• GOZOAK
• ZAILTASUNA: TXIKIA
• DENBORA: 0-30'