Zure kontua

  • Konektatzen...
BM SUPERMERCADOS

AKTUALITATEA

1. argazkia

Piperrak kinoaz eta txitxirioz beteta

OSAGAIAK

(Lau lagunentzako)

Erretzeko 2 piper gorri

400 gramo txitxirio egosi

100 gramo kinoa

Azenario bat

Tipula bat

Baratxuri-atal bat

Gazta arraspatua

Piperbeltza

Oreganoa

Gatza

Oliba-olio birjina estra

NOLA PRESTATU

Piperrak garbitu eta erditik moztuko ditugu. Labeko bandeja batean ahoz behera jarriko dugu, olio-zurrusta batekin. Beste bandeja batean, txitxirioak jarriko ditu, xukatuta eta piperbeltzaz, oreganoaz eta gatzaz ondo nahastuta, olio-koilarakada batekin batera.

200 gradutan jarriko dugu labean, 40 minutuz.

Bitartean, fin-fin moztuko dugu tipula, azenarioa eta baratxuria. Zartagin batean salteatuko ditugu, olio pixka batekin. Aldi berean, kinoa egosiko dugu lapiko batean, aldez aurretik garbituta (kinoaren ordez, kuskusa, bulgurra edo edozein arroz mota erabil dezakezu), 10 bat minutuz, olio eta gatz pixka batekin. Frijitua gehituko diogu, eta nahastu egingo dugu.

Piperrak prest daudenean, buelta emango diegu eta kinoa eta txitxirio nahasketaz beteko ditugu. Gazta pixka bat gehitu, eta labean egingo ditugu, gazta urtu arte bakarrik. Zerbitzatu.

  • LEHENAK
  • BARAZKIAK
  • LEKALEAK
  • ZAILTASUNA: ERTAINA
  • DENBORA: 30'-60'
  • BEGETARIANOA
  • ZELIAKOAK
  • HAURRAK
  • OSASUNGARRIA