Osagaiak (20-24 gaileta)

200g gramo osoko gari-irin

150 gramo olo, malutatan

Koilarakadatxo bat kanela-hauts

Koilarakadatxo erdi sodio bikarbonato

Gatz pixka bat

Tamaina ertaineko sagar bat (ahal dela gozoa: Golden edo Royal Gala)

2 arrautza

100 ml oliba-olio suabe

80 gramo ezti edo agabe-jarabe

50 gramo azukre beltz

Intxaur birrinduak edo txokolate beltz txipak (hautazkoa)

Nola prestatu:

Berotu aurretiaz labea, 180 °C-tara. Birrindu sagarra, azal eta guzti. Nahastu irina, oloa, kanela, bikarbonatoa eta gatza katilu batean. Gehitu sagarra.

Irabiatu arrautzak beste ontzi batean, olioarekin, eztiarekin edo jarabearekin eta azukrearekin batera. Elkartu bi nahasketak, eta eragin ondo, masa homogeneo bat lortzen duzun arte. Oso likidoa baldin badago, bora irin pixka bat. Nahi izanez gero, intxaur birrinduak edo txokolate beltz pipitak gehitu diezazkiokezu. 

Estali azpil bat (bandeja bat) laberako paperarekin, eta egin bolatxoak masarekin. Jar itzazu modu uniformean azpilean, eta zanpatu pixka bat bolatxo bakoitza. Utzi espazioa bolatxoen artean, itsats ez daitezen. Labekatu 12-15 minutuz, ertzak gorritzen diren arte. Utz itzazu hozten saretaren gainean.

Aurki itzazu osagai guztiak hurbilen duzun zure BM supermerkatuan edo ONLINE dendan!

• POSTREAK
• ORDUZ KANPO
• GOZOAK
• ZAILTASUNA: ERTAINA
• DENBORA: 30'-60'
• HAURRAK
• LAKTOSA GABEA