Lau lagunentzako osagaiak

400 gramo muskuilu

Saltsa tartariarra prestatzeko:

50 gramo maionesa

10 gramo kapar, xehetuta

10 gramo ozpinetako luzoker, xehetuta

10 gramo pipermin, xehetuta

Tenpura egiteko:

100 gramo irin

50 gramo Maizena

200 gramo ur izoztu

5 gramo gatz

5 gramo azukre

Nola prestatu:

Muskuiluak lurrunetan ireki eta bizarrak kenduko dizkiegu. Beraien uretan gordeko ditugu, erabiltzen ditugun arte.

Saltsa tartariarra prestatzeko:Osagaiak nahastu eta gerorako gordeko dugu.

Tenpura egiteko: Osagaiak ondo nahastuko ditugu, hagaxka batekin.  Muskuiluaren maskorrean koilarakada bat saltsa tartariar jarriko dugu; muskuiluak irinetatik pasatu, tenpuran sartu eta oliba-oliotan frijituko ditugu, 180 gradutan.

Paper xurgatzaile baten gainera atera, eta epeltzen direnean, saltsa tartariarraren gainean jarriko ditugu.

• BIGARRENAK
• LEHENAK
• ARRAINAK ETA ITSASKIAK
• ZAILTASUNA: TXIKIA
• DENBORA: 30'-60'
• OSASUNGARRIA
• ZELIAKOAK