Osagaiak

(Lau lagunentzako)

2 alberjinia

Alberjiniak betetzeko

400 gramo arkume-haragi xehatu

Erramu-hosto bat

Piperbeltz ehotua

50 gramo tipula

50 gramo gurin

50 gramo irin

Litro erdi esne

Besamela prestatzeko

60 gramo gurin

50 gramo irin

Litro erdi esne

60 gramo cheddar gazta

Nola prestatu

Moztu alberjiniak luzetara ahalik eta finen, laberatu 160 gradutara 5 minutuz eta gorde gerorako.

Barrubetea prestatzeko: Sueztitu ezazu brunoise eran moztutako tipula gurinetan, eta gehitu haragia, erramu-hostoa eta piperbeltza. Bota irina eta kozinatu 5 minutuz. Gehitu esnea poliki-poliki, kozinatu 15 minutuz eta gorde gerorako.

Besamela: Desegin gurina kazola batean, gehitu irina eta egosi 5 minutuz. Bota esnea eta egosi beste 15 minutuz. Sutik kanpora, gehitu iezaiozu gazta, eta irabiatu urtzen den arte. Bete alberjinia-xaflak eta bildu. Gainerre 180 gradutara, 15 minutuz.

Jar ezazu plateretan, eta gehitu besamela. 

• BIGARRENAK
• BARAZKIAK
• HARAGIAK
• ZAILTASUNA: ERTAINA
• DENBORA: 30'-60'
• OSASUNGARRIA
• HAURRAK