Zure kontua

  • Konektatzen...
BM SUPERMERCADOS

AKTUALITATEA

1. argazkia

Mertxika-marmelada

Osagaiak

(Lau lagunentzako)

Kilo bat mertxika

800 gramo azukre

Kanela-makilatxo bat

Nola prestatu

Zuritu mertxikak, kendu hezurra eta ebaki laukitxotan. Jarri sutan kazola bat, eta bota azukrea eta kanela-zotza; egosi su geldotan, fruta desegiten hasten den arte.

Mertxikaren heltze-mailaren araberakoa izango da egosketa-denbora, 30-45 minutu ingurukoa.

Behin marmelada kozinatu ondoren, kendu kanela-zotza, eta sartu tarroetan eta itxi; aldez aurretik, esterilizatu egin behar dira tarroak.

Denboraldia baino luzaroago kontserbatu nahi bada marmelada, zigilatu egin daiteke; horretarako, egosi betetako tarroak –ondo itxita– kazola batean, behean trapu bat jarrita eta urez erabat estalita, 30 minutuz.

TRUKUA: Beste fruta batzuetarako, beste azukre kopuru batzuk erabili behar dira: Fruta gozoak: 500-700 gramo azukre fruta kilo bakoitzeko. Fruta garratzak: 800-1000 gramo azukre fruta kilo bakoitzeko.

  • POSTREAK
  • GOZOAK
  • ZAILTASUNA: TXIKIA
  • DENBORA: 30'-60'
  • BEGANOA
  • ZELIAKOAK
  • LAKTOSA GABEA
  • BEGETARIANOA