Lau lagunentzako osagaiak:

Lau mazapan

20 gramo arbendola txigortu

Koilarakada bat kanela-hauts

Lau menda-hosto xehatuta

40 gramo txokolate (% 70 kakao)

Trufa bainatzeko:

Koilarakada bat txokolate urtu

Koilarakada bat kakao-hauts

Nola prestatu:

Mazapana birrindu, eta txokolate urtuarekin, arbendolekin, kanelarekin eta mendarekin nahastuko dugu.

Hozten utzi eta trufa forma emango diogu; berriro hoztu eta, zotz baten laguntzarekin, txokolatetan bainatuko ditugu. Eta hotzak daudenean, kakao-hautsetatik pasatuko ditugu.

• POSTREAK
• GOZOAK
• ZAILTASUNA: ERTAINA
• DENBORA: 30'-60'
• HAURRAK