Kafe batez gozatzeko askotariko moduak daude: beroa, hotza, esnearekin, kakaoarekin... Tearekin batera, munduan gehien kontsumitzen diren edarietako bat da –normalean, bazkalostean edo goizean–, eta osasungarritzat jotzen da kafea kontsumitzea. Hori bat, gehiegikeriarik egiten ez badugu:        egunean gehienez 3 kafe-kikara hartzea gomendatzen da (500 mg inguru).

Kafeak ahalik eta gehien aprobetxatu beharreko onurak ditu. Horregatik, errezeta honetan, kafearen aromaz eta berezko zaporeaz oso bestelako moduan gozatzea proposatzen dizugu:Fruitu gorri goxoz eta menda ukitu batez lagundutako ‘aire’ gisa.

OSAGAIAK

100 gramo azukre.

Ura

Andere-mahats eskukada bat (50-100 gr).

Mugurdi eskukada bat (50-100 gr).

4-5 menda hosto.

2 zorro kafe disolbagarri.

ELABORAZIOA

Lehenik eta behin, karamelua prestatu behar dugu. Horretarako, azukrea uretan nahastu (baso bat, gutxi gorabehera) eta su geldoan berotuko dugu. Aldi berean, kafea uretara botako dugu (pare bat edalontzi) eta ondo disolbatuko dugu.

Karamelua loditzen hasten denean, sua itzaliko dugu eta, ondoren, kafe-nahasketa botako dugu. Horrela, kafetan bustitako karamelu erdi-solido bat lortuko dugu. Nahasketa hori berriro berotu behar dugu, disolbatzen den arte. Ondoren, bol batera pasatuko dugu, eta jalkitzen utzi dugu hozkailuan, bi orduz.

Denbora hori igarotzen denean, bola atera eta indarrez irabiatuko dugu kafe aparra lortu arte, aparraren bolumena jatorrizko likidoarena baino hiru aldiz handiagoa den arte. Amaitzeko, fruitu lehorrak bol baten hondoan jarriko ditugu, aparraz estaliko ditugu eta menda hosto batzuekin apaindu.

• POSTREAK
• GOZOAK
• ZAILTASUNA: ERTAINA
• DENBORA: +60'
• ZELIAKOAK
• BEGETARIANOA
• BEGANOA
• LAKTOSA GABEA