4 lagunentzako osagaiak

500 gr irin

Legamia hautsa zorro erdia

Koilarakadatxo 1 jengibre eho

2 koilarakadatxo kanela eho

1/4 koilarakadatxo iltze eho

40 gr gurin giro-tenperaturan

50 gr azukre beltz

Arrautza handi 1

40 gr ezti

Nola egin:

Osagai lehorrak ondo nahastuko ditugu; hau da, irina, jengibrea, legamia, kanela eta iltzea.

Giro-tenperaturako gurina irabiatuko dugu azukrearekin, erabat disolbatu arte.

Eztia edo melaza eta arrautza botako dizkiogu eta, azkenik, irina eta espezien arteko nahasketa. Nahasketa ahalik eta homogeneoena lortu beharra daukagu. Itsaskorra geratzen bada, irin apur bat bota diezaiokegu, sendoagoa eta maneiagarriago geratu arte.

Hozkailuan bi orduz utziko dugu, eta, ondoren, arrabol baten laguntzaz zabalduko dugu irinapur bat botaz erantsi ez dadin. Gizontxo erako ore-mozteko batekin moztuko dugu, labeko paper gainean jarri eta 180 gradutan labean edukiko ditugu 10 minutuz.

Hozten utzi eta nahi bezala apainduko ditugu.