Osagaiak

(Lau lagunentzako)

350 gramo gaztaina erre azalik gabe

450 gramo txokolate (% 70 kakao)

125 gramo irin arin

125 gramo azukre zuri

125 gramo azukre beltz

200 gramo gurin

350 gramo arrautza-zuringo

Gozogintzarako 16 gramo legami

Gatza

Nola prestatu

Berotu aldez aurretik labea 180ºC-tara, eta birrindu gaztainak.

Irabiatu azukre zuria eta beltza katilu batean, 200 gramo arrautza-zuringorekin batera. Gorde gerorako.

Gainerako zuringoa, irabiatu elur-punturaino, gatzarekin. Gorde gerorako.

Urtu txokolatea eta gurina. Gehitu azukre eta zuringo nahasketari.

Nahastu irina eta legamia, eta bahetu aurreko nahasketaren gainean.

Gehitu gaztaina birrinduak, elur-punturaino irabiatutako zuringoak, eta ondo nahastu.

Jarri laberako papera molde batean, bota masa eta labekatu 180ºC-tara 25-30 minutuz.

Beroa edo hotza zerbitza daiteke.

• POSTREAK
• GOZOAK
• ZAILTASUNA: ERTAINA
• DENBORA: 30'-60'