Fruta hezurdunek beren hazia endokarpio gogor batean sartuta izaten dute. Multzo horretakoak dira fruta hauek: abrikotak, gereziak, aranak, melokotoiak, nektarinak eta paraguaioak. Uda eta udazkenaren parte bat dira fruta hezurdunen garaia, gure osasunerako dituzten onura guztiez baliatzeko garairik onena.

FRUTA HEZURDUNEN ONURAK:

1. Haien ur-kantitateak organismoa hidratatzen laguntzen digu.
2. Fruta hezurdunak aberatsak dira A bitaminatan, zeinak gure azala, mukosak eta ikusmena babesten baititu. Melanina sintetizatzen ere laguntzen digu; eguzki-erradiaziotik babesteko azalak duen babes naturala da melanina.
3. Beste fruta batzuekin alderatuz, haien azukre- eta kaloria-kantitatea ertaina da. Ezin hobea da meriendetarako.
4. Fruta hezurdunen zuntzak heste-igarotze ona izaten laguntzen du, eta idorreriari aurre egiten. Zuntz gehiena frutaren azalean dago, baina intsektizida-hondarrak ere han egoten dira. Hobe da zuritzea.
5. Haien azukreak erraz digeritzen dira. Xurgatu ere azkar xurgatzen dira, ordea; horregatik, diabetesa duten pertsonek kontrolatu egin behar dute zenbat kontsumitu.
6. Haien potasioak arteria-presioa kontrolatzen laguntzen digu eta likidoen erretentzioa —oso ohikoa udan, beroagatik—gutxitzen.

NUTRIZIO-OSAERA

• Kaloria-ekarpena: ertaina, beste frutekin alderatuta; 40-50 kcal /100 g gutxi gorabehera
• Ura: % 80-95
• Azukreak: fruktosa, sakarosa eta glukosa, batez beste % 10 Zertxobait aldatzen da fruta-barietatearen eta heldutasun-mailaren arabera.
• Ia ez dute proteinarik ez gantzik.
• Landare-zuntza: % 2. Pektinak eta hemizelulosak.
• Aberatsak mineraletan: magnesioa, fosforoa, sufrea, manganesoa eta potasioa.
• C, E eta A bitaminak. A bitamina da fruta hezurdunetan garrantzitsuena.

Dra. Marta Aguirre. Nutrizioa y Medikuntza estetikoa

Gogoan izan gomendatzen dela helduek gutxienez bi fruta-ale jatea egunean eta haurrek, hiruzpalau. Beti produktu freskoak eta sasoikoak jan. Orain, BM supermerkatuetan, fruta hezurdunak jateko unea da!