Haragia eta patatak; osagai soilak dituen platera, baina aurkezteko era dotorearekin.

OSAGAIAK

(4 pertsonarentzat)

400 gr Entrekot
100 gr Patata zuritu
1 Porru txiki
100 ml haragi-Zuku
40 gr Gurin
Piperbeltza

PRESTATZEA

Entrekota laukitan moztuko dugu, 10 cm luze eta 5 cm zabal gutxi gorabehera. Gerorako utziko dugu.

Birringailu baten laguntzarekin patata birrinduko dugu. Gatza eta piperbeltza botako diogu, eta gurina erantsiko diogu. Forma angeluzuzena emango diogu, entrekot kuboaren antzekoa eta zartagin ezitsaskor batean markatuko dugu alde guztietatik. Labean sartuko dugu 150ºC-tan 20 minutuz.

Porrua juliana erara moztu, eta uretan utziko dugu 2 orduz. Ura ordu erdiro aldatuko dugu. Xukatuko dugu, eta olioarekin, ozpinarekin eta gatzarekin ondu.

Entrekot kuboa alde guztietatik markatuko dugu. Platerean jarriko dugu, eta albo batean patata kuboa eta juliana jarriko dugu. Inguruan saltsa jarriko diogu.

PREZIOA: HANDIA
DENBORA: 60’
ZAILTASUNA: 8/10
OSASUNGARRIA: 7/10