Beti zaindu behar dugu gure elikadura eta elikadura ohitura osasungarriak izaten saiatu, baina kirola maiztasunez egiten dugunean, are hobeto zaindu behar dugu. Kirola egunero egiten badugu, elikaduraren egiteko bakarra ez da gure organismoa elikatzea bakarrik izango; horrez gain, ariketa fisikoaren ondoriozko energia gastua konpentsatu beharko du. Horregatik, elikadura eta kirola elkarrekin doaz.

Kirola egiten dugunean, koipe gehiegi kontsumitzea saihesten eta karbono-hidratoen kontsumoa gehitzen saiatu behar dugu, gure erreserbak agor ez daitezen eta, beraz, jarduerarekin jarraitzea galaraziko digun neke-egoerara irits ez gaitezen. Oso garrantzitsua da hidratatuta mantentzea ere. Ura da gure organismoak behar duen mantenugai nagusienetako bat eta, kirola egiterakoan, gehien galtzen duguna da.Horregatik, gure dietan, oso kontuan hartzekoak dira edariak, oro har; baita frutak eta barazkiak ere.

Kontuan izan beharreko alderdi batzuk besterik ez dira honako hauek. Jarraian, kirolaren dietan presente egon behar diren elikagaiak zerrendatuko ditugu.

Ogia: Karbono-hidrato iturririk onena da, koipe eta azukre proportzio egokiekin.Hobe da ogi integrala kontsumitzea eta zereal mota ezberdinak baldin badauzka – hala nola, zekalea edo artoa –are hobeto, bitamina eta mineral gehiago eskainiko dizkigu eta.

Patata: Digestiorako oso lagungarria da eta oso asegarria. Hori bai, saihets ezazu frijituta edo tortillan jatea.Hobe azal eta guzti egosita edo pure eginda jatea.

Pasta eta arroza: Kirolariaren elikagai garrantzitsuenak dira. Ogiaren kasuan aipatu dugun bezala, hobe da pasta eta arroz integrala kontsumitzea. Ez ezazu plater oso ondurik eta koipetsurik prestatu; hori eginez gero, elikagaiok ez dira dagoeneko kirolariarentzako egokiak izango.

Barazkiak: Plater nagusi bezala edo beste elikagairen baten osagarri gisa presta daitezke; bitaminak, mineralak eta zuntza eskaintzen digute. Zela prestatu?Su eztian frijituta edo purean.Halaber, kirola egin aurretik, azalorea edo aza bezalako barazki haizetsuak saihestea komeni da.

Fruta: Hidratazio-iturri nagusia da.Konbina itzazu nahi duzun bezala, zukuan, konpotan edo freskoak.Fruta eta fruitu lehorrek ere onura handiak dakarzkigute.Intxaur edo hur eskukada bat mokadu ezin hobea dira kirola egiten ari garenerako. Onena, gordinik edo txigortuta kontsumitzea da; saihets ezazu frijituta kontsumitzea, koipe asko izaten baitute.

Gozoak: Ez da azukre kopuru handirik kontsumitu behar, baina gure dietan egon behar da.Muesli barratxoak edo txokolatea gomendagarriak dira. Baita eztia ere, baina dosi txikietan. Gauza bera esan dezakegu konfituren eta marmeladen inguruan ere, ez da komeni gehiegi kontsumitzerik.

Haragia eta arraina: Proteina ekarpen handia egiten diote gure organismoari.Haragi eta hestebete giharrak eta koipe gutxiko arrainak. Arrautza-irinetan eta ogitan pasatuta eta frijituta kontsumitzea saihestu behar da. Digestiorako hobe da arrainak egosita edo parrillan eta haragiak plantxan prestatuta jatea.

BM Kontuaren SMS komunikaziorik jaso nahi ez baduzu, harpidedun izateari utzi dezakezu zure profilean hemen sartuz edo 900 555 300 telefonora deituz.