Geure cookieak eta hirugarrengoenak erabiltzen ditugu gure webgunean erabiltzaileen nabigazioa aztertzeko eta hobetzeko, baita publizitate interesgarria eskaintzeko ere, betiere mezu hau onartu eta berariaz adostasuna ematen badiozu. Gure cookieen politikari buruz gehiago irakur dezakezu.

Zure kontua

  • Konektatzen...
BM SUPERMERCADOS

AKTUALITATEA

1. argazkia

Haurtxoak

Bost fruta-ahi, ez bakarrik zure haurtxoaren gustukoak

Fruta da elikagairik lagungarrienetakoa etxean haurtxoak ditugunean; badakizu, naturaren litxarreriak bezalakoak dira. Familia askok nahiago izaten du elikagai birrinduekin hastea, pureak edo ahiak prestatuta. Aukera hau osagarri egokia izan daiteke haur zein helduen menu on baterako: azken-buruko, gosari edo askari freskagarri eta gozoa. Frutazko kremak prestatzeko bost errezeta oso erraz eskaintzen dizkizugu, txikiek eta ez hain txikiek goza dezaten.

Sagar eta kanela krema

Osagaiak:

  • Sagar bat
  • Kanela pixka bat

Nola prestatu

  • Zatitu sagarra, eta egosi lurrunetan 10 minutuz.
  • Gehitu kanela pixka bat, eta birrindu.
  • Zerbitzatu epela.

Madari eta txirimoia krema

Osagaiak:

  • Madari bat
  • Txirimoia bat
  • Etxeko pare bat gaileta, ahal dela integralak eta azukrerik gabeak.

Nola prestatu:

  • Zatitu madaria
  • Moztu txirimoia erditik, atera mamia eta kendu haziak. Lan dezente eskatzen du, txirimoia bakoitzak berrogeita hamar hazi baino gehiago izan baititzake.
  • Birrindu fruta bien mamia, eta estali gailetaz.

Sagar, meloi eta bainila krema

Osagaiak:

  • Sagar bat
  • Cantalupo meloi laurdena
  • Bainila-leka bat (edo bainila-estraktu pixka bat)

Nola prestatu:

  • Zatitu sagarra, eta egosi lurrunetan zortzi minutuz.
  • Bitartean, urratu luzetara bainila-leka, eta atera edukia laban batekin.
  • Zatitu meloia. Gehitu zatitutako meloia eta bainila-estraktua sagarrari, eta birrindu.

Banana eta koko natilak

Osagaiak:

  • Banana bat
  • Arrautza-gorringo bat
  • Basokada erdi koko-esne
  • Muscovado azukre pixka bat

Nola prestatu:

  • Birrindu osagai guztiak, bota beirazko ontzi batera eta egosi 10 minutuz Maria bainuan.
  • Utzi hozten zerbitzatu aurretik.

Mugurdi, madari eta banana konpota

Osagaiak:

  • 100 g. madari
  • 50 g. banana
  • 75 g. mugurdi

Nola prestatu:

  • Birrindu osagai guztiak, eta apaindu askotariko fruitu gorriekin.