BM Supermerkatuek establezimendu berria inauguratu dute Usurbilen, BM Shop formularekin, taldeak Gipuzkoan duen bigarren frankizia, Hondarribikoaren ondoren.

Puntapax kalean (z.g.) dago denda berria, eta zortzi laguneko lantaldea du; langile guztiek jaso dute BM Supermerkatuen berariazko prestakuntza, kalitatezko zerbitzura eta bezeroarenganako arreta onera bideratutako BM ereduari eusteko.

350 m2-ko saltokia du supermerkatuak, eta goitik behera eraberritu da, BMren eredura egokitzeko eta bertako produktuen eskaintza zabala hartzeko; langileek artatutako harategia eta urdaitegia, fruta eta barazki erakusmahaiak eta ogi-labedun okindegia ditu.

Bertako produktuak bultzatzen

Usurbilgo BM Shop dendak harremana du bertako ekoizleekin. 5.000 erreferentzia eskainiko ditu guztira, letxugak, zerbak, tipulinak eta inguruko Baserrietako eta Sasoian Sasoiko produktuak barne; Aitzeta kooperatibako tomateak –Aizarnazabal–; Baserriko Uztaren kiwiak eta sagarrak –Aizarnazabal–; Getariako txakolina; Orortegi –Aia– eta Gazpio –Berastegi– Idiazabal artzain-gaztak; Zestoako Basatxerri txerria; Aiako Txarri Txiki haragi-produktuak; Asier Aristi Otamendiren txahala; eta Usurbilgo Bordatxo esnekiak.

Astelehenetik larunbatera egongo da zabalik, 09:00etatik 21:00etara, eta erosketak etxera eramateko zerbitzua eskainiko die dendak bezeroei. Denda horretako bezeroek, gainera, BM Kontua eduki ahal izango dute, BM Supermerkatuetako bezeroentzako onura eta deskontu guztiekin.