12 ale egiteko osagaiak

2 banana heldu

125 gramo azenario, birrinduta

Bi koilarakada oliba-olio

4 arrautza

125 gramo arbendola-irin

Koilarakada bat banilla-esentzia

Bi koilarakada kanela

Zorro bat legamia

100 gramo intxaur, xehetuta

Jengibre pixka bat (aukerakoa)

Gatz pixka bat (aukerakoa)

Nola prestatu:

Aldez aurretik, berotu labea 180 C º-tan. Presta ezazu magdalenak egiteko molde bat. Oliba-olioz igurtz daiteke, magdalenak itsats ez daitezen, edo magdalenetarako ohiko paperak erabil daitezke.

Gopor handi batean, zanpa itzazu bananak, eta gehitu azenarioa, oliba-olioa eta arrautzak. Nahastu ezazu ondo.

Gehitu arbendola-irina, banilla, kanela eta legamia eta, nahi izanez gero, baita jengibrea eta gatza ere. Bateratu ondo osagai guztiak. Azkenik, gehitu intxaur xehetuak.

Bete moldea orearekin, eta labekatu 25-30 minutuz, labana garbi ateratzen den arte.

Utzi hozten hamar bat minutuz, eta atera moldetik. Behin hozten direnean, jateko prest egongo dira.

• POSTREAK
• GOZOAK
• ZAILTASUNA: TXIKIA
• DENBORA: 30'-60'
• OSASUNGARRIA
• ZELIAKOAK
• HAURRAK
• LAKTOSA GABEA