OSAGAIAK

(Lau lagunentzako)

500 gramo zapo-buztan

Bi barbarin

100 gramo ganba

100 gramo muskuilu

400 gramo patata

Azafraia

Litro bat arrain-salda

500 gramo tomate heldu

Tipula bat

2 baratxuri-atal

Gatza

Piperbeltza

Oliba-olioa

Perrexil freskoa

NOLA PRESTATU

Garbitu muskuiluak, zuritu patatak eta zatitu tomateak.

Txikitu baratxuriak eta tipula. Sueztitu olioz lapiko batean, bost bat minutuz. Gehitu azafraia eta tomateak. Bota arrain-salda eta patatak. Gatzpipertu nahierara, eta utzi egosten 10-15 minutuz.

Garbitu zapoa eta barbarinak (kendu ezkatak, burua eta erdiko hezurra), eta zatitu.

Bota lapikora zapoa, barbarinak, muskuiluak eta ganbak, ondu eta egosi 10 bat minutuz. Apaindu perrexilaz, eta zerbitzatu.

• LEHENAK
• ZOPAK, SALDAK ETA KREMAK
• ARRAINAK ETA ITSASKIAK
• ZAILTASUNA: TXIKIA
• DENBORA: 30'-60'
• OSASUNGARRIA
• ZELIAKOAK
• HAURRAK
• LAKTOSA GABEA