Arrain urdina da antxoa, bere koloreak eta gezi-punta itxuran amaitzen den bere isatsak adierazten diguten bezala. Urte-sasoi honetan, batez ere udaberrian eta udan, sakonera ertaineko ur hotzetatik gora etortzen da, elikatzera eta ugaltzera. Sasoi horretan hartzen du gantz gehien, eta bere mamia hobea da.

Nutrizio-osaera

• % 6 koipea: batez ere Omega 3 gantz-azidoak (ez da gantz kopuru handieneko arrain urdinetako bat).
• Balio biologiko handiko proteinak: % 21.
• Karbohidratoak: % 0,5.
• Kaloria-ekarpena: 140 Kilokaloria.
• B taldeko bitaminak, batez ere B12, eta A eta D bitamina lipodisolbagarriak.
• Mineralak: magnesioa, iodoa eta kaltzioa.

Kontuan hartu beharrekoak

• Sodio (Na) kopuru handia, kontserban jaten bada: kontuz ibili behar dute hipertentsiboek.
• Purina asko du: ez dute antxoa gehiegi kontsumitu behar azido uriko maila handia duten pertsonek.
• Anisakiak: 24 orduz izoztea gomendatzen da.

Onurak

• Omega 3 guztiek bezala, hanzturaren eta agregazioaren aurkako efektua duten prostaglandina maila handitzen du. Tronbosia ere prebenitzen du.
• HDL kolesterola hobetzen du, eta dirudienez, LDLa ere murrizten du: arteriosklerosia prebenitzen du.
• Haurtxoen burmuinaren garapena hobetzen du: haurdunaldian, izoztu egin behar dira.
• Eragin onuragarria dute depresioan.
• Eskola-errendimendua areagotzen du.
• Omega 6-Omega 3 erlazioa hobetzen du; azken batean, horrek markatzen du patologien prebentzioa eta zelula-mintz guztien iragazkortasuna eta plastikotasuna. Izan ere, gure dietak Omega 6 gantz-azido kopuru handia du, beraz, Omega 3 gantz-azidoak gehitzea komeni da, bien arteko erlazioa 4/1 ingurukoa izan arte.