Ziazerbak erabiltzen ditugu aurretik marinatuko dugun izokin-entsalada bat prestatzeko. Azkenik, jogurtezko ozpin-olio batez lagunduko dugu.

OSAGAIAK

(4 pertsonarentzat)
1 Izokin-trontzo, 250 gr

Marinatua egiteko:
150 ml Ur
15 gr Gatz
150 ml Ozpin
30 ml oliba-Olio birjin estra
50 gr Ziazerba
30 gr Intxaur zuritu

Ozpin-olioa egiteko:
1 Jogurta
1 koilarakada Piperbeltz ehotu
1/2 Txalota xehatu
tanta batzuk Ardo zuri

PRESTATZEA

Ura gatzarekin eta ozpinarekin nahastuko dugu. Izokina xerratu, eta marinatuan ordubetez sartuko dugu. Xukatu, eta paper xurgatzailearekin lehortuko dugu. Oliba-olioarekin margotu, eta gerorako utziko dugu.

Katilu batean jarriko ditugu jogurta eta txalota xehatua, piperbeltza eta ardo tantak, eta ondo nahastuko dugu guztia. Gerorako utziko dugu.

Ziazerbak ozpin-olioarekin onduko ditugu. Plateraren azpialdean jarriko ditugu, eta izokina jarriko dugu gainean. Gainean intxaurrak jarriko ditugu.

PREZIOA: ERTAINA
DENBORA: 40’
ZAILTASUNA: 6/10
OSASUNGARRIA: 7/10