OSAGAIAK

(4 pertsonarentzat)

4 trontzo legatz, 150 grkoak

1 porru, juliana erara xehatua

Irina

Oliba-olioa, frijitzekoa

100 gr oliba beltz

Mahonesa egiteko:

200 ml ekilore-olio

10 gr jengibre birrindu

10 ml ardo txuriko ozpin

1 arrautza

PRESTATZEA

Juliana erara moztutako porrua irinetik pasa, eta oliba-olioan frijituko dugu. Ondo xukatu, eta gerorako utziko dugu. Olibak oliba-olioarekin birrinduko ditugu, eta gerorako utziko dugu.

Mahonesa egiteko:

Osagaiak potentzia txikian irabiatuko ditugu, irabiagailua mugitu gabe. Mahonesa loditu ahala, potentzia gehituko dugu eta irabiagailua mugituko dugu. Gerorako utziko dugu.

Legatza gazitu, eta lurrunetan egosiko dugu 5 bat minutuz. Platerean jarriko dugu, gainean juliana jarriko dugu, eta inguruan oliba beltzak.

Mahonesa bereizirik zerbitzatuko dugu

• BIGARRENAK
• ARRAINAK ETA ITSASKIAK
• ZAILTASUNA: ERTAINA
• DENBORA: 30'-60'
• OSASUNGARRIA
• HAURRAK