Kaltegarria dirudien arren, korrika egiterakoan hezurrek jasotzen duten inpaktuak indartu egiten ditu hezurrak; horrela, bada, osteoporosia prebenitzeko faktore garrantzitsua da korrika egitea. Horixe da Norvegian kirol-medikuntzako adituen egin duten azterlanarenondorio nagusia; azterlan horretan, goi mailako hogei bat korrikalariren (iraupen-erdiko lasterketetako –3.000 metro artekoak– korrikalariak) eta txirrindularien hezurren dentsitatea alderatu dute.

Emaitza horretara iristeko, honako lagina aztertu zuten ikertzaileek: 16-18 urte zituztenetik lehiatzen ziren 25 bat urteko gizon eta emakumez osatutakoa, 20 eta 21 arteko Gorputz-masaren Indizea dutenak, eta lasterketa-historial luzea eta urteko entrenamendu-ordu asko egiten dutenak.  

Azken aldagai horri dagokionez, aktiboagoak ziren txirrindulariak: 900 bat ordu urtean; korrikalariek, berriz, 500 bat ordu entrenatzen zuten urtean. Era berean, indar-entrenamenduko ordu gehiago ere egin zuten txirrindulariek; izan ere, lasterketaren bat hurbiltzen denean bakarrik joaten ziren gimnasiora korrikalariak. 

Datu horiek mahai-gainean, ohikoena zen ondorioztatzea txirrindulariek hezur-egitura hobea izango zutela. Baina partaideen hezurren dentsitate globala, femurraren burua eta gerrialdea aztertu eta neurtu ondoren, ikertzaileen deskubritu zuten txirrindularien % 52k zentimetro koadro bakoitzeko kaltzio-maila txikia zutela txirrindulariek. Beraz, ondoriozta daiteke erresistentzia-lasterketetan korrika egiteak hobeto prebenitzen duela osteoporosia, txirrindularitza bezalako kirolekin alderatuta.

Oinkadaren inpaktua: hezurretarako ona (ez horren ona artikulazioetarako)

Adituen esanetan, korrika egiterakoan hezurrek jasotzen dituzten inpaktuetan dago gakoa; txirrindularitzan eta igeriketan, berriz, ‘erlaxatuta’ daude hezurrak. Izan ere, ‘kolpearen’ eraginez, hezurra indartu egiten da zonarik ahulenetan, kaltzio-aposizioa deritzon mekanismo natural bati esker.

Azterlan horrek besterik adieraz dezakeen arren, ez dugu ahaztu behar korrika egitea bezalako inpaktu-kirolek lesioak eragin ditzaketela, artikulazioetan batez ere, belaunetan esaterako. Zentzu horretan, ondo zaindu behar da lasterketa-teknika, eta indar-entrenamenduak egin, lesioak saihesteko.

Hezur indartsuak izateko…

• Kirol moderatua: ibiltzea korrika hasi aurretik egiteko aukera egokia da; eta aire zabalean bada, hobe.
• Kaltziodun jakiak bai, baina baita D bitaminadun edo magnesiodun elikagaiak ere, kaltzioa hezurrean txertatzen laguntzeko: esnekiak, hosto berdeko barazkiak (brokolia, bimi, azak), lekaleak; sardinak, antxoak, atuna, berdela edo izokina; intxaurrak, arbendolak edo pistatxoak; arrautzak, ahuakatea, etab.
• Ariketa jakin batzuk: ibiltzeaz eta korrika egiteaz gain, jauzi, sentadillak egin, eskailerak igo, pisua altxatu eta abar egin daiteke.