BM Supermerkatuek osasunarekin duten konpromisoa elikagai-hornitzaile garen aldetik dugun eginkizunetik haratago doa. Komunitatean bizitza-ohitura osasungarri eta arduratsuak sustatzeko dugun erabaki irmoan oinarritzen da.

Osasunaren inguruan dugun ardura horren testuinguruan, nabarmentzekoa da gaixotasun baskularrak direla hilkortasun-tasa nagusienetako bat Europan; tartean daude arteriosklerosia, aneurismak, bena-gutxiegitasun kronikoa eta tronbosia, besteak beste. Aldi berean, urriaren 13an, ostirala, Tronbosiaren Mundu Eguna izan zen. Bena edo arteria batean odol-koagulu bat sortzen da eta odol-zirkulazioa oztopatzen du, erabat edo modu partzialean.

Funtsezkoa da tronbosia eragin dezaketen kausak ulertzea: faktore genetikoak egon daitezke tartean, baita osasun arazoak ere, obesitatea eta tabakismoa kasu. Odol-sistemak eta prebentzioa funtsezkoak dira gaitz horren aurka borrokatzeko. Garaiz detektatzea, bizitza-estilo osasungarria izatea eta tronbosiaren arriskuen inguruan kontzientziatzea urrats erabakigarriak dira gaixotasun horren intzidentzia murrizteko eta guztiontzako bizimodu osasungarriagoa bermatzeko.

BM Supermerkatuek, Activa’TT irabazi asmorik gabeko elkartearekin lankidetzan, gaitz horren inguruan kontzientziatzeko kanpaina abiarazi dute. Ekimenaren helburua da komunitatea gaixotasun baskularren inguruan sentsibilizatzea eta prestakuntzarako, promoziorako eta ikerkuntzarako funtsak biltzea. Hiru ekintza nagusi egingo dira kanpainan:

• Dohain Solidarioak: Azaroaren 6tik 12ra, Activa’TT fundazioari laguntzeko euro batetik aurrerako dohainak egin ahal izango dira gure BM denda guztietan.
• Dohainen eguna: Azaroaren 10ean, BMk produktu freskoen salmenten % 1eko ekarpena egingo dio Activa’TT elkarteari.
• Prebentzioaren eguna: Azaroaren 24an, gaixotasun baskularrak prebenitzeko diagnostikoak egiteko aukera emango diegu BM Supermerkatuetako gure langileei.

Ekimen hau “Zainduz Bizi” gure programaren barruan sartzen da; programa horren bitartez, ohitura osasungarriak, elikadura orekatua eta produktu freskoen kontsumoa –batez ere fruta eta barazkiena– sustatzen ditugu.

Gaixotasun baskularren inguruan kontzientziatzeko indarrak batuz.