Prebentzio-gunea probintzia bakoitzeko BM supermerkatuan jarriko da (Gipuzkoa, Bizkaia, Araba, Nafarroa, Errioxa, Madril, Kantabria), erizainen elkargoarekin lankidetzan.

Espainian, urtean 46.000 heriotza kardiobaskular inguru hipertentsioaren ondorioz gertatzen dira.

Bihar, maiatzak 17, OSTIRALA, Hipertentsio Arterialaren Munduko Eguna izango da, eta Espainia osoko BM Supermerkatuek eta erizaintzako ikastetxeek prebentzio-gunea ezarriko dute Gipuzkoako, Bizkaiko, Arabako, Nafarroako, Errioxako, Madrilgo eta Kantabriako BM dendetan, hala nahi duten pertsonek tentsioa doan eta modu informatiboan har dezaten. Ekimena BM Supermerkatuak erakundeak sustatu du Erizaintzako Elkargoekin lankidetzan, hipertentsio arteriala prebenitu eta, horrela, osasuna zaintzeak eta elikadura osasungarria izateak duten garrantziaz kontzientziatzeko helburuarekin.

Informazio-standak ordu hauetan egongo dira irekita hiri bakoitzean: 10:00etatik 13:00era, Bilboko, Iruñeko eta Madrilgo supermerkatuetan; 10:00etatik 14:00etara eta 17:00etatik 21:00etara, Donostiako BM supermerkatuan; 10:15etik 13:15era eta 17:30etik 20:30era Logroñoko supermerkatuan; 10:30etik 13:30era eta 16:30etik 19:30era Santanderko supermerkatuan; eta 9:30etik 13:30era Gasteizko supermerkatuan. Informaziozko ekintza bat denez, interesatuek zer tentsio duten jakin ahal izango dute, bizitza osasungarria eta osasuntsua izateko tentsio arterialaren balio egokienetan dauden jakin ahal izatearren. Halaber, tentsio egokia izateko eta gaixotasun larriak saihesteko jarraitu beharreko prebentzio-neurriei buruzko aholkuak jaso ahal izango dituzte erizainen eskutik.

Espainian 2021ean izandako heriotzen %26 inguru hipertentsio arteriala dela-eta gertatu ziren, Estatistikako Institutu Nazionalaren datuen arabera. Uste da urtean 46.000 heriotza kardiobaskular inguru hipertentsioa medio gertatzen direla gure herrialdean.  

Erizaintzako Elkargoek gogorarazi dute garrantzitsua dela elikadura osasungarria izatea presio zuzena izateko: “dieta kardio-osasungarria egitea, egunero frutak eta barazkiak janez eta produktu ontziratuak, hestebeteak eta haragi gorriak gutxiago kontsumitzea. Komeni da, baita ere, edari azukredunen eta alkoholdunen kontsumoa murriztea, eta, batez ere, janarietan gatz gutxiago erabiltzea eta gure pisua kontrolatzea. Era berean, egunean gutxienez 30 minutuz ariketa fisikoa egitea eta ez erretzea tentsio arterialaren balio egokiak izaten lagunduko diguten neurriak dira”.