• Europar Batasunak finantzatu du proiektua, NextGenerationEU funtsen bidez.
• Funts horiek Berreskuratze, Eraldatze eta Erresilientzia Planaren barruan kokatzen dira.
• Honela, BM Supermerkatuek aurrera egiten jarraituko dute Iraunkortasun Estrategian.

2025eko azaroa- BM Supermerkatuek autokontsumorako eguzki-planta fotovoltaiko bat jarri dute La Marazuela merkataritza-guneko (Las Rozas, Madril) dendaren estalkian. Horretarako, BMk Europar Batasunaren finantzaketa jaso du, Next Generation EU funts europarren bidez. Instalazioak 136,2 kWp-ko sortze-potentzia eta 100 kWn-ko potentzia izendatua ditu, eta bateria bidezko biltegiratze-sistema du.

Planta fotovoltaikorako, BM Supermerkatuek Europar Batasunaren laguntza jaso dute, zehazki Next Generation EU funtsena (funts horiek RENext Generation EU Mekanismoaren Berreskuratze, Eraldatze eta Erresilientzia Planaren barruan kokatzen dira). E4e Soluciones energia-zerbitzuen ingeniaritza-enpresa arduratu da lanak gauzatzeaz.

Ekimen honek argi eta garbi erantzuten dio BMk supermerkatu ekoefizienteak neurri iraunkorren bidez abian jartzeko hartutako konpromisoari, eta bat dator bere Iraunkortasun Estrategiaren barruko beste ekimen batzuekin. Besteak beste, nabarmendu behar da AENORen % 100 Zirkularra ziurtagiria lortu duen Espainiako lehen banaketa-enpresa izan dela, baita AECOCen hiru Lean & Green izarrak ere, karbono-aztarna murriztu duelako, kontsumitzen duen energiaren % 100 energia elektriko berriztagarria delako eta Irungo plataformetan Zero Hondakina ziurtagiria lortu duelako hondakinak bereizi eta birziklatzeko kudeaketagatik.