BM Supermerkatuak beste urrats bat eman du ingurunearekiko eta iraunkortasunarekiko duen konpromisoaren barnean, kafe kapsulak biltzeko puntuak instalatu baititu Gipuzkoako 29 saltokitan. Ekimenaren helburua da hondakinak desegiteko espazio espezifikorik ez duten hondakinak birziklatzea erraztea (esate baterako, kapsulak) eta, era horretan, ingurumena errespetatzearen inguruan sentsibilizatzea.

Kapsulak Gipuzkoako Kafea/Ekogras enpresak jasotzen ditu, eta birziklatzeko edukiontziak egiteko erabiltzen dira. Modu horretan, edukiontzi bakoitza birziklatutako 7.500 kafe kapsularekin egiten da. Beraz, ekimena ekonomia zirkularraren eta baliabideen aprobetxamenduaren adibide argia da, eta bezeroei era horretako hondakinak zertarako erabiltzen diren erakusten die.

Kapsulak biltzeko edukiontziak honako supermerkatu hauetan jarri dira: Donostia (Antiguo, Amara, Aiete, Bidebieta, Gros eta Pagola), Altza, Arrasate, Hernani, Azkoitia, Azpeitia, Legazpi, Eibar, Urnieta, Billabona, Lasarte, Tolosa, Andoain, Elgoibar, Irun, Beasain, Hondarribia eta Urretxu.

Ekimen honek jarraipena ematen dio iaz Donostiako bi supermerkatutan (zehazki, Pagolako eta Zumardi pasealekua-Bidebietako BM supermerkatuetan) abian jarritako proiektu pilotuari. Horri esker, Hondakinen Prebentziorako Europako Sarien (EWWR) hiru finalisten artean kokatu zen, enpresa-kategorian.