Gaur irekiko dugu BM beste frankizia bat, Andoainen (Gipuzkoa). Zumea plazako 4. zenbakian dago denda berria, eta 290 metro koadroko saltokia du.

Andoaingo bizilagunei kalitatezko produktu-sorta eskaintzeko helburuz irekiko ditu ateak establezimendu berri honek. Horretarako, 4.000 erreferentzia izango ditu eta, horien artean, nabarmentzekoak dira harategiko eta urdaitegiko produktu ontziratuak, zerbitzu libreko fruta sekzioa eta ogi-labea.

Sei profesionalez osatutako lantaldea arduratuko da denda berri honetaz; trebakuntza jaso dute seiek BM eredua ezar dezaten, produktu-sortaren, zerbitzuaren eta produktu freskoen kalitatean oinarritzen dena. Astelehenetik igandera, 08:00etatik 22:00etara egongo da irekita supermerkatua.

Denda berri hau irekita, beste urrats bat egin dugu 2024rako aurreikusitako hedapen-planean, eta beste bultzada bat eman frankiziaren garapenari: 28 establezimendu ireki dira dagoeneko.